സ്വന്തം ലേഖകന്
കോഴിക്കോട്: ചിത്രപ്രദര്ശനവുമായി വിദ്യാര്ത്ഥികള് ശ്രദ്ധേയരാകുന്നു. കക്കോടി അനശ്വര ചിത്രകലാവിദ്യാലയത്തിലെ വിദ്യാര്ത്ഥികളുടെ പെന്സില് ഡ്രോയിംഗ് പ്രദര്ശനമാണ് കോഴിക്കോട് ആര്ട്ട് ഗ്യാലറിയില് നൂറുകണക്കിന് കാണികളെ ആകര്ഷിക്കുന്നത്. പ്രത്യേക പരിശീലനമൊന്നും നേടാതെ ജന്മനായുള്ള അഭിരുചിയുമായി ചിത്രരചനാ രംഗത്ത് സജീവമായ കെ. ഷനോദ്കുമാറാണ് ചിത്രകലാ വിദ്യാര്ത്ഥികള്ക്ക് മാര്ഗദര്ശനം നല്കുന്നത്. വിവിധ വിദ്യാലയങ്ങളില് പഠിക്കുന്ന ശിശിര, നയന, അതുല്യ, നന്ദന, ആനന്ദജിത്ത്, അമിര്ഷ, അമൃതേഷ്, അരവിന്ദ്, ഇന്ദ്രജിത്ത്, അമൃതജിന്, കാവ്യ, അപര്ണ, ശ്രീകാന്ത്, ഇനയാദ്, ഋഷികേശ് എന്നിവരുടെ ചിത്ര രചനകളാണ് പ്രദര്ശനത്തിലുള്ളത്. ഇവരെല്ലാവരും കക്കോടി അനശ്വര ചിത്രകലാ വിദ്യാലയത്തിലെ വിദ്യാര്ത്ഥികളുമാണ്. ശ്രീശങ്കാരാചാര്യര്, രാമകൃഷ്ണപരമഹംസര്, സ്വാമി വിവേകാനന്ദന്, ടാഗോര്, സുഭാഷ് ചന്ദ്രബോസ്, മഹാത്മജി, ലാല് ബഹാദൂര് ശാസ്ത്രി, അണ്ണാ ഹസാരെ, ലെനിന്, മദര് തെരേസ, ജവഹര്ലാല് നെഹ്റു, ഡോ. എപിജെ അബ്ദുല് കലാം, കെ.ആര്. നാരായണന്, രാജീവ് ഗാന്ധി, വൈക്കം മുഹമ്മദ് ബഷീര്, എം.ടി. വാസുദേവന്നായര്, തിലകന് ഒ.എന്.വി കുറുപ്പ് എന്നിവരുടെ ചിത്രങ്ങളാണ് പെന്സില് ഡ്രോയിംഗ് പ്രദര്ശനത്തിലുള്ളത്. കടുവയുടെയും സിംഹത്തിന്റെയും ചിത്രങ്ങളുമുണ്ട്. വിദ്യാര്ത്ഥികളുടെ തത്സമയ ചിത്രരചനയും പ്രദര്ശനത്തിന്റെ ഭാഗമായുണ്ട്. വര്ണ്ണങ്ങളില്ലെങ്കിലും പെന്സില് ഡ്രോയിംഗ് ചിത്ര പ്രദര്ശനം പ്രതിഭയും വിസ്മയം പകരുന്നുണ്ടെന്ന് കാണികള് പറയുന്നു. പ്രദര്ശനം ഇന്നു സമാപിക്കും.
