ന്യൂദല്‍ഹി: റമദാനില്‍ എമിറേറ്റ്‌സ് യാത്രക്കാര്‍ക്കായി ഇഫ്താര്‍ സേവനം പുനരാരംഭിക്കുന്നു. പ്രത്യേക ബോക്‌സുകള്‍ തെരഞ്ഞെടുത്ത ഫ്‌ളൈറ്റുകളിലെ എല്ലാ കാബിന്‍ ക്ലാസ്സുകളിലും ലഭ്യമാക്കും. ഗള്‍ഫ് പ്രദേശങ്ങളിലേക്കും ജിദ്ദയിലേക്കും മെദീനയിലേക്കുമുള്ള ഉമ്‌റാ ഗ്രൂപ്പിനും തിരിച്ചും യാത്ര ചെയ്യുന്നവര്‍ക്ക് ഈ ഓഫര്‍ ലഭ്യമാക്കും.
വിമാനത്തില്‍ യാത്ര ചെയ്യുമ്പോള്‍ നോമ്പുതുടങ്ങുന്ന ഇംസാകിന്റെ സമയവും നോമ്പുതുറക്കുന്ന ഇഫ്താറിന്റെ സമയവും കണക്കാക്കാനായി ഒരു പ്രത്യേക ഉപകരണം എമിറേറ്റ്‌സ് ഉപയോഗിക്കുന്നു. എയര്‍ക്രാഫ്്റ്റിന്റെ രേഖാംശം, അക്ഷാംശം, സമുദ്രനിരപ്പില്‍ നിന്നുള്ള ഉയരം എന്നിവയുടെ സഹായത്താല്‍ ഏറ്റവും കൃത്യമായ സമയം ഉറപ്പുവരുത്തും.
സൂര്യന്‍ അസ്തമിച്ചുകഴിയുമ്പോള്‍ ഇഫ്താറിന്റെ സമയമായെന്ന് ക്യാപ്റ്റന്‍ അറിയിപ്പു നല്‍കും. എമിറേറ്റ്‌സിന്റെ റമദാന്‍ സമയം വിശദീകരിച്ചുള്ള വാര്‍ഷിക പതിപ്പിനോടനുബന്ധിച്ച് രൂപപ്പെടുത്തിയ ഈ ഉപകരണം എല്ലാ ഫ്‌ളൈറ്റുകളിലും ലഭ്യമാണ്.
പ്രതികരിക്കാൻ ഇവിടെ എഴുതുക: