ഐബോള്‍ കോംപ്ബുക്ക് വിപണിയില്‍

കൊച്ചി: ഐബോള്‍ 9999 രൂപയ്‌ക്ക് കോംപ്ബുക്ക് ലാപ്‌ടോപ്പുകള്‍ പുറത്തിറക്കി. കേന്ദ്രസര്‍ക്കാരിന്റെ ഡിജിറ്റല്‍ ഇന്ത്യ മുന്നേറ്റത്തിന് പാതയൊരുക്കുകയും ഉപയോക്താക്കളുടെ ആവശ്യങ്ങളും വിപണിയിലെ ഉത്പന്നങ്ങളും തമ്മിലുളള വിടവ് നികത്തുകയുമാണ് ലക്ഷ്യമെന്ന് നിര്‍മാതാക്കള്‍ പറയുന്നു.

ഇന്റല്‍, മൈക്രോസോഫ്റ്റ് എന്നിവയുടെ ഉത്പന്നങ്ങളാണ് കോംപ്ബുക്കില്‍ ഉള്‍പ്പെടുത്തിയിരിക്കുന്നത്. ഇന്റല്‍ ക്വാഡ് കോര്‍ പ്രോസസര്‍, മുന്‍കൂട്ടി ഇന്‍സ്റ്റാള്‍ ചെയ്ത വിന്‍ഡോസ് 10 എന്നിവയാണ് പ്രത്യേകത. 11.6 ഇഞ്ച് വലിപ്പമുള്ള എക്‌സലന്‍സ്, 14 ഇഞ്ച് വലിപ്പമുള്ള എക്‌സെംപ്ലര്‍ എന്നിങ്ങനെ രണ്ട് മോഡലുകളുണ്ട്. കോംപ്ബുക്ക് എക്‌സലന്‍സിന്റെ വില 9999 രൂപയും എക്‌സെംപ്ലറിന്റെ വില 13,999 രൂപയുമാണെന്ന് ഐബോള്‍ സിഇഒയും ഡയറക്ടറുമായ സന്ദീപ് പരശ്രംപുരിയ പറഞ്ഞു. ഇന്‍- ബില്‍റ്റ് വൈഫൈ, ബ്ലൂടൂത്ത് 4.0, എച്ച്ഡിഎംഐ പോര്‍ട്ടുകള്‍, 2 യുഎസ്ബി പോര്‍ട്ടുകള്‍ എന്നിവയുമുണ്ട്.