കോഴിക്കോട്: ബാലഗോകുലം 40-ാം വാര്ഷിക ആഘോഷത്തിന്റെ ഭാഗമായി സംഘടിപ്പിക്കുന്ന ബാലഭാരതം പരിപാടിയുടെ മുന്നോടിയായി ആദ്യകാല പ്രവര്ത്തകസംഗമം സംഘടിപ്പിച്ചു. ബാലഗോകുലം കോഴിക്കോട് മഹാനഗരത്തിന്റെ ആഭിമുഖ്യത്തില് നടന്ന ആദ്യകാല പ്രവര്ത്തകസംഗമം ബാലഗോകുലം സംസ്ഥാന സെക്രട്ടറി സ്മിത വത്സലന് ഉദ്ഘാടനം ചെയ്തു. മാനാഞ്ചിറസ്പോര്ട്സ് കൗണ്സില് ഹാളില് നടന്ന സംഗമത്തില് ജില്ലാ കാര്യദര്ശി പി. കൈലാസ് കുമാര് അദ്ധ്യക്ഷത വഹിച്ചു. മേഖലാ സമിതി അംഗം രാധാകൃഷ്ണന് ഉണ്ണികുളം മുഖ്യപ്രഭാഷണം നടത്തി. കെ.കെ. വിജയന്, വി. ബാബു, സി.കെ. സുരേന്ദ്രന്, പി. രമണിഭായ്, ജയശ്രീ ഗോപീകൃഷ്ണന്, ശ്രീലാസ് എന്നിവര് സംസാരിച്ചു. ജില്ലാ സംഘടനാ സെക്രട്ടറി പി.ടി. പ്രഹ്ലാദന് സ്വാഗതവും ജില്ലാ സഹകാര്യദര്ശി സുനില്കുമാര് നന്ദിയും പറഞ്ഞു.
താമരശ്ശേരി: ബാലഗോകുലം കോഴിക്കോട് ഗ്രാമ ജില്ല നടത്തിയ പൂര്വ്വകാല പ്രവര്ത്തക സംഗമം ബാലഗോകുലം മുന് സംസ്ഥാന അദ്ധ്യക്ഷന് ടി.പി. രാജന് മാസ്റ്റര് ഉദ്ഘാടനം ചെയ്തു. ഗോകുലം യൂണിറ്റുകളില് നിന്നും തെരഞ്ഞെടുക്കപ്പെടുന്ന ആയിരത്തോളം ബാലിക ബാലന്മാര് മെയ് മാസത്തില് നടക്കുന്ന ബാലഭാരതത്തില് പങ്കെടുക്കുമെന്ന് ടി.പി. രാജന് മാസ്റ്റര് പറഞ്ഞു. പി. പ്രശോഭ് അദ്ധ്യക്ഷത വഹിച്ചു.
ബാലഗോകുലം സംസ്ഥാന സെക്രട്ടറി കെ. മോഹന്ദാസ്, മേഖലാ അദ്ധ്യക്ഷന് പി.എം ശ്രീധരന് മാസ്റ്റര്, മേഖല സമിതി അംഗങ്ങളായ കെ. ഗോപാലകൃഷ്ണന്, രാധാകൃഷ്ണന് ഉണ്ണികുളം, ജില്ലാ സംഘടനാ സെക്രട്ടറി സുരേഷ്, ഡോ.കെ. ദേവി, സുഭഗ, പെണ്ണൂട്ടി ടീച്ചര്, എന്.കെ. ചന്ദ്രശേഖരന്, ഭവാനി ടീച്ചര് എന്നിവര് സംസാരിച്ചു.ജില്ലാ സെക്രട്ടറി കെ. ശ്രീരാജ് സ്വാഗതവും. ഭാസ്കരന് കൊളത്തൂര് നന്ദിയും പറഞ്ഞു.
