എഴുകോണ്: പിടിക്കപെടുന്നതുവരെ രാഹുല് പശുപാലനും കേരളത്തിന്റെ കനയ്യകുമാര് ആയിരുന്നുവെന്ന് തപസ്യ സംസ്ഥാനസെക്രട്ടറി എം.സതീശന് പറഞ്ഞു.
എഴുകോണില് ബിജെപി സംഘടിപ്പിച്ച ദേശഭക്തി സംഗമം ഉദ്ഘാടനം ചെയ്യുകയായിരുന്നു അദ്ദേഹം.
ചുംബനസമരക്കാരെ നവോത്ഥാനനായകരെന്നും സ്വാതന്ത്ര്യസമരസേനാനികളെന്നുമാണ് സിപിഎമ്മുകാര് വിശേഷിപ്പിച്ചിരുന്നത്. ഭാരതത്തിന്റെ കാറ്റേറ്റ് ഉപ്പും ചോറും തിന്നു വളര്ന്ന കനയ്യകുമാറിന് വേണ്ടത് ഭാരതം നശിക്കുകയാണ്. ഇതിനെയാണ് എന്നും രാഷ്ട്രവിരുദ്ധ നിലപാടെടുത്തിട്ടുള്ള ഇടതുപാര്ട്ടികള് പിന്താങ്ങുന്നത്. പ്രക്ഷോഭം നയിക്കുന്നത്. വിപ്ലവകാരികളുടെ ചരിത്രം പഠിക്കുമ്പോള് യഥാര്ത്ഥ വിപ്ലവകാരികളായ വീരസവര്ക്കറുടേയും ചന്ദ്രശേഖരന് ആസാദിന്റേയും ചരിത്രം പഠിക്കണം.
പോലീസിനെ ഭയന്ന് നാടുനീളെ ആംബുലന്സില് സഞ്ചരിക്കുന്നവരെ വിപ്ലകാരികളാക്കിയതിന്റെ ഫലമാണ് രാജ്യത്തിനെതിരെയുള്ള ചിന്തകള്. ജെഎന്യു മുന്വിദ്യാര്ത്ഥികൂടിയായ പവന്കുമാര് രാജ്യത്തിനുവേണ്ടി പോരാടി വീരമൃത്യു വരിച്ചപ്പോള് എന്തുകൊണ്ട് ജെഎന്യു അനുസ്മരിച്ചില്ല എന്ന് നമ്മള് ചിന്തിക്കണം. സ്വാതന്ത്ര്യ സമരത്തിനെതിരെയും ഭാരതത്തിനെതിരെയും നിലപാട് എടുക്കുന്ന സമീപനമാണ് ഇഎംഎസിന്റെ കാലം മുതല് സിപിഎമ്മിന്റെത്. രാഷ്ട്രവിരുദ്ധ നിലപാട് എടുത്താല് ചങ്ങലവീഴുന്ന കാലമാണിതെന്ന് ഓര്ക്കുന്നത് നന്നായിരിക്കും. ഇക്കാര്യത്തില് മോദിസര്ക്കാരിന് അല്പം അസഹിഷ്ണുത ഉണ്ടന്നുള്ളത് സത്യമാണ്. കമ്മ്യൂണിസം എന്ന വൈറസ് 1957 മുതല് ആട്ടിന്തോലണിഞ്ഞ ചെന്നായയുടെ രൂപത്തില് നമ്മുടെ ജനാധിപത്യത്തിന് ഭീഷണി ഉയര്ത്തുകയാണ്. ഇതിനെ നിരോധിക്കേണ്ട കാലഘട്ടം അതിക്രമിച്ചതായും ഇങ്ങനെ പോയാല് അതിന് താമസമില്ലെന്നും അദ്ദേഹം കൂട്ടിചേര്ത്തു. ചരിത്രത്തെ തെറ്റായി വ്യാഖ്യാനിക്കാന് കോണ്ഗ്രസും ഇവര്ക്കൊപ്പം മത്സരിക്കുകയാണ്. ഗാന്ധിയുടെ പൈതൃകം പോലും സ്വന്തമാക്കിയവര്ക്ക് ഒന്നിനും ഉളുപ്പില്ല. നെഹ്റു മുതല് കൊടിക്കുന്നില്വരെ അവര്ക്ക് സ്വാതന്ത്ര്യസമരസേനാനികള് ആണ്. അതാണ് സരിതാരാധ്യനായ കെ.സി.വേണുഗോപാല് പാര്ലമെന്റില് കാണിക്കുന്ന ചാപല്യങ്ങളെന്നും സതീശന് പറഞ്ഞു.
ആര്.ഉണ്ണികൃഷ്ണപിള്ള അധ്യക്ഷനായിരുന്നു. സഹകാര്ഭാരതി ജില്ലാ അധ്യക്ഷ രാജേശ്വരി രാജേന്ദ്രന്, സി.വിജയകുമാര്, കാക്കകോട്ടൂര് മുരളി, ഫിലിപ്പ്.ജെ.പണിക്കര്, ആര്.വേണു, ശ്രീനിവാസന്, സുജിത്ത്, സുമരാജ്, എസ്.ആര്.മനു എന്നിവര് സംസാരിച്ചു. മുന്സൈനികര് ചേര്ന്ന് നടത്തിയ ദീപപ്രോജ്യലനത്തോടെയാണ് സംഗമം ആരംഭിച്ചത്.
