കുന്നത്തൂര്: ഭക്ഷണം വിളമ്പുന്നതുമായി ബന്ധപ്പെട്ടുണ്ടായ തര്ക്കം കൂട്ടത്തല്ലില് കലാശിച്ചു. ആനയടി നരസിംഹസ്വാമി ക്ഷേത്രത്തില് കഴിഞ്ഞദിവസം നടന്ന വിവാഹത്തിലാണ് വധുവിന്റെയും വരന്റെയും വീട്ടുകാര് ചേരിതിരിഞ്ഞ് തല്ലുപിടിച്ചത്. ആനയടി സ്വദേശിയായ യുവതിയും കൊല്ലം പെരിനാട് സ്വദേശിയായ യുവാവും തമ്മിലുള്ള വിവാഹത്തിന് ശേഷം നടന്ന സല്ക്കാരചടങ്ങിലാണ് സംഭവം. വരന്റെ ആള്ക്കാരെ നാട്ടുകാര് തടഞ്ഞുവച്ച് മര്ദിച്ചു. തുടര്ന്ന് കല്യാണസദ്യ അലങ്കോലമായി. ശൂരനാട് നിന്നും മൂന്ന് വാഹനങ്ങളില് പോലീസെത്തിയാണ് സ്ഥിതിഗതികള് ശാന്തമാക്കിയത്. ഇരുകൂട്ടരെയും സ്റ്റേഷനിലേക്ക് കൊണ്ടുപോയി ചര്ച്ചയിലൂടെ രമ്യതയിലെത്തിച്ചു. ക്ഷേത്രസദ്യാലയത്തിലുണ്ടായ നഷ്ടം ഇരുകൂട്ടരും ചേര്ന്ന് പരിഹരിക്കാന് ധാരണയുമായി. പരിക്കേറ്റവര് സ്വന്തം ചെലവില് വിവിധ ആശുപത്രികളില് ചികിത്സ തേടി.
കല്യാണസദ്യക്കിടയില് കൂട്ടത്തല്ല്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.