കൊല്ലം: ദേശീയപാതയില് കൊല്ലം പോളയത്തോട്ടില് നിര്ത്തിയിട്ടിരുന്ന കാറിനു തീപിടിച്ചു. ഇന്നലെ രാവിലെയായിരുന്നു സംഭവം. കാറിന്റെ എന്ജിന്ഭാഗം പൂര്ണമായും കത്തിനശിച്ചു.
എറണാകുളം സ്വദേശി വൈശാഖിന്റെ ഉടമസ്ഥതയിലുള്ള കാറിനാണ് തീപിടിച്ചത്. തിരുവനന്തപുരത്തു നിന്നും എറണാകുളത്തേക്കു പോകവേ ക്ഷീണം തീര്ക്കാനായി പോളയത്തോട് ജംഗ്ഷന് സമീപം കാര് പാര്ക്ക് ചെയ്തശേഷം വിശ്രമിക്കുകയായിരുന്നു ഇരുവരും. ഒരു മണിക്കൂറോളം വിശ്രമിച്ചശേഷം എറണാകുളത്തേക്കു പോകാനായി വാഹനം സ്റ്റാര്ട്ട് ചെയ്തപ്പോഴാണു തീപടരുന്നതു സമീപത്തെ പഴകച്ചവടക്കാരന്റെ ശ്രദ്ധയില്പ്പെട്ടത്. ഉടന് അയാള് ഓടിയെത്തി കാറിനുള്ളിലുള്ളവരെ വിവരം അറിയിച്ചു. ഇവര് ഉടന് പുറത്തിറങ്ങി തീയണയ്ക്കാന് ശ്രമിച്ചെങ്കിലും വിജയിച്ചില്ല. തുടര്ന്ന് ഫയര്ഫോഴ്സ് എത്തിയാണു തീയണച്ചത്.
