മലപ്പുറം: ഉപരാഷ്ട്രപതി ഡോ.ഹാമിദ് അന്‍സാരി നാളെ ജില്ലയില്‍ നടക്കുന്ന മതമൈത്രി സമ്മേളനത്തില്‍ പങ്കെടുക്കും. പാണക്കാട് ആസ്ഥാനമായി പ്രവര്‍ത്തിക്കുന്ന സ്‌ട്രൈറ്റ് പാത്ത് ഇന്റര്‍നാഷണല്‍ സ്‌കൂളിന്റെ ആഭിമുഖ്യത്തില്‍ മാനവമൈത്രിയുടെയും സാമൂഹിക ഐക്യത്തിന്റെയും സന്ദേശം പ്രചരിപ്പിക്കുന്നതിന് സംഘടിപ്പിക്കുന്ന വാര്‍ഷിക മതമൈത്രി സമ്മേളനത്തിനാണ് ഉപരാഷ്ട്രപതി എത്തുന്നത്. നാളെ രാവിലെ 10ന് മലപ്പുറം റോസ് ലോഞ്ച് ഓഡിറ്റോറിയത്തില്‍ നടക്കുന്ന പരിപാടി ഉപരാഷ്ട്രപതി ഉദ്ഘാടനം ചെയ്യും.
സ്‌ട്രൈറ്റ്പാത്ത് ഇന്റര്‍നാഷണല്‍ സ്‌കൂള്‍ കാമ്പസിന്റെ ശിലാസ്ഥാപനകര്‍മവും ഉപരാഷ്ട്രപതി നിര്‍വഹിക്കും. പാണക്കാട് ഹൈദരലി ശിഹാബ് തങ്ങള്‍ അദ്ധ്യക്ഷത വഹിക്കും.
ഇന്ന് രാത്രി എട്ടിന് കരിപ്പൂരില്‍ വിമാനമിറങ്ങുന്ന ഉപരാഷ്ട്രപതി കോഴിക്കോട് ഗവ.ഗസ്റ്റ് ഹൗസിലാണ് താമസിക്കുക.
നാളെ രാവിലെ 10ന് മലപ്പുറത്തെത്തും. 11.30ന് കരിപ്പൂര്‍ വഴി തിരുവനന്തപുരത്തേക്ക് പോകും.
പ്രതികരിക്കാൻ ഇവിടെ എഴുതുക: