കാസര്‍കോട്: ഹൈസ്‌കൂള്‍ വിഭാഗം ചെണ്ട തായമ്പക മത്സരത്തില്‍ നീലേശ്വരം രാജാസ് ഹയര്‍സെക്കണ്ടറി സ്‌കൂളിലെ വൈഷ്ണവ് പി.വി ചെമ്പക്കൂര്‍ രാഗത്തില്‍ വേദിയില്‍ നിറഞ്ഞു നിന്നു. നീലേശ്വരം ചിറക്കാല നന്ദകുമാറിന്റെ ശിക്ഷണത്തില്‍ അഞ്ചാം ക്ലാസ് മുതല്‍ വൈഷ്ണവ് ചെണ്ട അഭ്യസിക്കുന്നു. ഗുരുവിന്റെ ഒന്നിച്ച് തായമ്പകയ്‌ക്ക് പോകാറുള്ള വൈഷ്ണവ് പരിശീലനത്തിന്റെ മികവിലാണ് ജില്ലാ കലോത്സവത്തിനെത്തിയത്. മന്ദംപുറത്ത് കാവിലാണ് വൈഷ്ണവിന്റെ അരങ്ങേറ്റം നടന്നത്. പഞ്ചവാദ്യം, ഓര്‍കസ്ട്ര എന്നിവയിലും ഇന്നലെ മത്സര രംഗത്തുണ്ടായിരുന്നു. നന്ദകുമാറിനോടൊപ്പം കലാനിലയം സതീശില്‍ നിന്നും വൈഷ്ണവ് പരിശീലനം നേടിയിട്ടുണ്ട്. തിരിപ്പൂരില്‍ ടെക്‌സറ്റയില്‍ മില്ലില്‍ ജീവനക്കാരനായ നീലേശ്വരം കൊഴുന്നില്‍ കെ.വി.രാധാകൃഷ്ണന്റെയും നീലേശ്വരം ചിന്മയ വിദ്യാലയം ജീവനക്കാരി യമുനയുടെയും മകനാണ്. സഹോദരന്‍: നിരഞ്ജന്‍
Monday, November 25, 2024
ഗുരുവിനെ ധ്യാനിച്ച് ചെണ്ടയില്‍ ചെമ്പക്കൂര്‍ താളം വായിച്ച് വൈഷ്ണവ് ഒന്നാമതെത്തി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: