സംസ്‌കൃതോത്സവങ്ങള്‍ സമാപിച്ചു: ഹൊസ്ദുര്‍ഗ് ഉപജില്ല ഒന്നാം സ്ഥാനത്ത്

കാസര്‍കോട്: റവന്യു ജില്ലാ കലോത്സവത്തില്‍ യു.പി, ഹൈസ്‌കൂള്‍ വിഭാഗം സംസ്‌കൃതോത്സവങ്ങള്‍ക്ക് തിരശ്ശീല താഴ്ന്നു. ഹൈസ്‌ക്കൂള്‍ സംസ്‌കൃതോത്സവം ഉപജില്ലാതല മത്സരത്തില്‍ ഹൊസ്ദുര്‍ഗ് ഒന്നാം സ്ഥാനം 95 പോയിന്റ്, കുമ്പള രണ്ടാം സ്ഥാനം 88 പോയിന്റ്, കാസര്‍കോട് മൂന്നാം സ്ഥാനം 84 പോയിന്റ്. സ്‌ക്കൂള്‍ തലത്തില്‍ ജി.എച്ച്.എസ്.എസ്. പരപ്പ 71 പോയിന്റ് ഒന്നാം സ്ഥാനം, കെ.എം.വി.എച്ച്.എസ്.എസ്. കൊടക്കാട് 68 പോയിന്റ് രണ്ടാം സ്ഥാനം, എസ്.ഡി.പി.എച്ച്.എസ് ധര്‍മ്മത്തടുക്ക 51 പോയിന്റ് മൂന്നാം സ്ഥാനവും കരസ്ഥമാക്കി. യു.പി.സംസ്‌കൃത കലോത്സവം സമാപിച്ചപ്പോള്‍ 90 പോയിന്റുകള്‍ നേടി ചെറുവത്തൂര്‍ ഉപജില്ല ഒന്നാം സ്ഥാനം നേടി. 88 പോയിന്റുകള്‍ നേടിയ ഹൊസ്ദുര്‍ഗും 84 പോയിന്റുകള്‍ നേടിയ കാസര്‍ക്കോടും യഥാക്രമം രണ്ടും മൂന്നും സ്ഥാനങ്ങള്‍ കരസ്ഥമാക്കി. 65 പോയിന്റുകള്‍ നേടി ദുര്‍ഗ ഹയര്‍ സെക്കണ്ടറി സ്‌ക്കൂള്‍ കാഞ്ഞങ്ങാട് ഒന്നാം സ്ഥാനം നേടി. 35 പോയിന്റുകള്‍ നേടിയ എ.യു.പി.എസ്. ഓലാട്ട് ആണ് രണ്ടാം സ്ഥാനം നേടിയത്.