കൊല്ലം: വനമേഖലയിലെ മരങ്ങളുടെ നീളവും വീതിയും എണ്ണവും തിട്ടപ്പെടുത്തി നമ്പരിട്ട് രജിസ്റ്ററില് സൂക്ഷിക്കുമെന്ന് മന്ത്രി തിരുവഞ്ചൂര് രാധാകൃഷ്ണന് പറഞ്ഞു.
പരീക്ഷണാടിസ്ഥാനത്തില് ശെന്തുരുണി വനമേഖലയിലെ മരങ്ങളുടെ വിവരശേഖരണമാണ് ആദ്യം നടത്തുക. ഭാവിതലമുറക്കായി വനവിഭവങ്ങള് കാത്തുസൂക്ഷിക്കുന്നതിനും വനംകൊള്ള തടയുന്നതിനുമാണിതെന്ന് മന്ത്രി പറഞ്ഞു. ശെന്തുരുണി എക്കോടൂറിസം പദ്ധതിയുടെ ഉദ്ഘാടനം നിര്വഹിക്കുകയായിരുന്നു അദ്ദേഹം.
പ്രദേശത്തെ വന്യജീവി ആക്രമണം തടയാന് ആവശ്യമായ നടപടികള് സ്വീകരിക്കും. പ്രദേശത്ത് 40 ലക്ഷം രൂപയുടെ സോളാര് ഫെന്സിങ് നടന്നുവരികയാണ്. ഇതിന്റെ നിര്മാണപ്രവര്ത്തികള് ത്വരിതപ്പെടുത്തും.
ആവശ്യമെങ്കില് തെന്മല കേന്ദ്രമാക്കി റാപ്പിഡ് ആക്ഷന് ടീമിന്റെ സാന്നിധ്യം ഉറപ്പക്കും. ഫണ്ട് ലഭ്യമാകുന്ന മുറക്ക് റോസ്മലയിലേക്കുള്ള റോഡ് കോണ്ക്രീറ്റിട്ട് സഞ്ചാരയോഗ്യമാക്കും. പ്രദേശത്തെ വിദ്യാര്ഥികളുടെ യാത്രാദുരിതം പരിഹരിക്കാന് കെഎസ്ആര്ടി ബസ് സര്വീസുകള് കാര്യക്ഷമമാക്കുമെന്നും മന്ത്രി പറഞ്ഞു.
ശെന്തുരുണി എക്കോടൂറിസം പദ്ധതിയുടെ ലോഗോ പ്രകാശനവും വെബ്സൈറ്റിന്റെ ഉദ്ഘാടനവും മന്ത്രി നിര്വഹിച്ചു. തെന്മലയിലെ ശെന്തുരുണി വൈല്ഡ് ലൈഫ് ഡിവിഷന് ഓഫീസ് കോമ്പൗണ്ടില് നടന്ന ചടങ്ങില് കെ.രാജു എംഎല്എ അധ്യക്ഷത വഹിച്ചു.
ഇഡിസി അംഗങ്ങള്ക്കുള്ള സൗജന്യ ഗ്യാസ് കണക്ഷന് വിതരണം ജില്ലാ പഞ്ചായത്ത് പ്രസിഡന്റ് കെ.ജഗദമ്മ ഉദ്ഘാടനം ചെയ്തു. തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികള്, വനംവകുപ്പ് ഉന്നത ഉദ്യോഗസ്ഥര് തുടങ്ങിയവര് പങ്കെടുത്തു.
