കാസര്‍കോട്: ജില്ലയിലെ ബിജെപി നിയോജക മണ്ഡലം പ്രവര്‍ത്തകരുടെ നേതൃയോഗങ്ങള്‍ 5ന് നടക്കും. ബൂത്ത് സെക്രട്ടറി, പ്രസിഡന്റ്, ഉപരിനേതാക്കള്‍, കഴിഞ്ഞ ത്രിതല പഞ്ചായത്ത്, നഗരസഭകളില്‍ മത്സരിച്ച മുഴുവന്‍ സ്ഥാനാര്‍ത്ഥികള്‍, വനിതാ പ്രതിനിധികള്‍ യോഗത്തില്‍ സംബന്ധിക്കും. മഞ്ചേശ്വരം മണ്ഡലം നേതൃയോഗം ഉപ്പളയില്‍ രാവിലെ 10.30ന് ബിജെപി സംസ്ഥാന തെരഞ്ഞെടുപ്പ് കമ്മറ്റി ചെയര്‍മാന്‍ വി.മുരളീധരന്‍ ഉദ്ഘാടനം ചെയ്യും. കാസര്‍കോട് നിയോജക മണ്ഡലം നേതൃയോഗം മുള്ളേരിയ ഗണേഷ് കലാമന്ദിറില്‍ ഉച്ചക്ക് 2.30ന് നടക്കും. യോഗം വി.മുരളീധരന്‍ ഉദ്ഘാടനം ചെയ്യും. കാഞ്ഞങ്ങാട് മണ്ഡലം നേതൃയോഗം മുനിസിപ്പല്‍ ടൗണ്‍ ഹാളില്‍ രാവിലെ 10.30ന് ദേശീയ നിര്‍വ്വാഹക സമിതി അംഗം പി.കെ.കൃഷ്ണദാസ് ഉദ്ഘാടനം ചെയ്യും. ഉദുമ മണ്ഡലം നേതൃയോഗം ഉച്ചക്ക് 2.30ന് പൊയിനാച്ചി ആശ്രയ ഹാളില്‍ പി.കെ.കൃഷ്ണദാസ് ഉദ്ഘാടനം ചെയ്യും. തൃക്കരിപ്പൂര്‍ മണ്ഡലം കണ്‍വെന്‍ഷന്‍ നീലേശ്വരം എന്‍.കെ.ബാലകൃഷ്ണന്‍ മെമ്മോറിയല്‍ ഹാളില്‍ രാവിലെ 10.30ന് ബിജെപി ദേശീയ നിര്‍വ്വാഹക സമിതി അംഗം ശോഭാ സുരേന്ദ്രന്‍ ഉദ്ഘാടനം ചെയ്യും.
Monday, November 25, 2024
ബിജെപി നിയോജക മണ്ഡലം നേതൃയോഗം 5ന്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: