പത്തനംതിട്ട: ജില്ലാ സ്‌കൂള്‍ കായികമേള പത്തനംതിട്ട മുനിസിപ്പല്‍ സ്റ്റേഡിയത്തില്‍ ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി ഉദ്ഘാടനം ചെയ്തു. നാളെയുടെ വാഗ്ദാനങ്ങളായ കുട്ടികള്‍ക്ക് ആരോഗ്യമുള്ള മനസും ശരീരവും ഉറപ്പാക്കാന്‍ കായികമേളകള്‍ക്ക് സാധിക്കുമെന്ന് അന്നപൂര്‍ണാദേവി പറഞ്ഞു.
ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് സലിം പി.ചാക്കോ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി പതാക ഉയര്‍ത്തി. കുട്ടികള്‍ അണിനിരന്ന മാര്‍ച്ച്പാസ്റ്റ് നടന്നു.
പ്രമാടം ഗ്രാമ പഞ്ചായത്ത് പ്രസിഡന്റ് റോബിന്‍ പീറ്റര്‍, ജില്ലാ പഞ്ചായത്തംഗം ലീലാ മോഹന്‍, വിദ്യാഭ്യാസ ഉപഡയറക്ടര്‍ വി.വി.രാമചന്ദ്രന്‍, സ്വീകരണ കമ്മിറ്റി കണ്‍വീനര്‍ ബിനു കെ.സാം എന്നിവര്‍ സംസാരിച്ചു. 29 വരെയാണ് മേള. സമാപന സമ്മേളനം നാളെ രാവിലെ 11 ന് ആന്റോ ആന്റണി എം.പി ഉദ്ഘാടനം ചെയ്യും. അഡ്വ. കെ.ശിവദാസന്‍ നായര്‍ എം.എല്‍.എ സമ്മാനദാനം നിര്‍വഹിക്കും. ജില്ലാ പഞ്ചായത്ത് വൈസ് പ്രസിഡന്റ് ജോര്‍ജ് മാമ്മന്‍ കൊണ്ടൂര്‍ അധ്യക്ഷത വഹിക്കും.
പ്രതികരിക്കാൻ ഇവിടെ എഴുതുക: