താനൂര്‍: നഗരസഭയുടെ പ്രതിപക്ഷമായി മാറിയ ബിജെപിയുടെ വിജയത്തിന് നക്ഷത്രതിളക്കമാണെന്ന് സംസ്ഥാന ജനറല്‍ സെക്രട്ടറി കെ.സുരേന്ദ്രന്‍. ബിജെപി താനൂരില്‍ സംഘടിപ്പിച്ച വിജയഘോഷയാത്രയും പൊതുസമ്മേളനവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഇത്തവണ ഇവിടെ ബിജെപി പ്രതിപക്ഷത്താണെങ്കില്‍ അടുത്ത പ്രാവശ്യം നഗരസഭ ഭരിക്കുന്നത് ബിജെപിയായിരിക്കും. അധികാരത്തിന്റെ അഹങ്കാരത്തില്‍ മതിമറന്നു നില്‍ക്കുന്ന ലീഗിന്റെ കൂടാരത്തില്‍ നിന്നും ദിനംപ്രതി ആളുകള്‍ ഒഴിഞ്ഞു പോകുകയാണ്. കാസര്‍ഗോഡും, കോഴിക്കോടും പൂര്‍ണ്ണമായി കൂടാരം ശൂന്യമായി കഴിഞ്ഞു. അല്‍പം ആളുകളെങ്കിലും അവശേഷിക്കുന്നത് ഇപ്പോഴും മലപ്പുറത്താണ്. വൈകാതെ അതും തീരും അദ്ദേഹം കൂട്ടിച്ചേര്‍ത്തു.
യോഗത്തില്‍ കെ.ജനചന്ദ്രന്‍ മാസ്റ്റര്‍ അദ്ധ്യക്ഷത വഹിച്ചു. മേഖല സംഘടനാ സെക്രട്ടറി രവി തേലത്ത്, ടി.സേതുമാധവന്‍, പി.മുകുന്ദന്‍, ടി.അറുമുഖന്‍, പി.കെ.അനില്‍കുമാര്‍ എന്നിവര്‍ സംസാരിച്ചു.
ഇന്ന് നടക്കുന്ന ചെയര്‍പേഴ്‌സണ്‍ മത്സരത്തില്‍ ബിജെപിയുടെ ഗിരിജ ടീച്ചര്‍ മത്സരിക്കും, തള്ളശ്ശേരി അറുമുഖന്‍ വൈസ് ചെയര്‍മാന്‍ സ്ഥാനത്തേക്കും മത്സരിക്കും.
പ്രതികരിക്കാൻ ഇവിടെ എഴുതുക: