കൊച്ചി: ജീവനക്കാര്‍ക്കുവേണ്ടി ‘ഫെയിം’ എന്ന പേരില്‍ ഫെഡറല്‍ ബാങ്ക് നൂതനമായ മൊബൈല്‍ ആപ്ലിക്കേഷന്‍ പുറത്തിറക്കി. ആഭ്യന്തര ആശയവിനിമയങ്ങള്‍ ലക്ഷ്യമിട്ടുള്ള “’ഫെയി’മിന്റെ പ്രകാശനം ബാങ്കിന്റെ എക്‌സിക്യൂട്ടീവ് ഡയറക്ടര്‍ ഗണേഷ് ശങ്കരന്‍ നിര്‍വ്വഹിച്ചു.
ജീവനക്കാര്‍ക്ക് തങ്ങളുടെയും ശാഖയുടെയും പ്രൊഫൈല്‍, ബിസിനസ് ഡാഷ്‌ബോര്‍ഡ്, അവധിയുടെ വിവരങ്ങള്‍, പ്രഖ്യാപനങ്ങളും സന്ദേശങ്ങളും. എച്ച്ആര്‍ ഹെല്‍പ്‌ഡെസ്‌ക്, അപ്രീസ്യേഷന്‍ ഫോറം, ഫോട്ടോ വീഡിയോ ഗാലറി, കോര്‍പ്പറേറ്റ് ഡിസ്‌കൗണ്ട് പ്ലാറ്റ്‌ഫോം, ഫീഡ്ബാക്കും സര്‍വ്വേയും, ലേണിംഗ് പ്ലാറ്റ്‌ഫോം തുടങ്ങി വിവിധ കാര്യങ്ങള്‍ അപ്പപ്പോള്‍ അറിയാനും യഥാസമയം മനസ്സിലാക്കി മുന്നോട്ടുപോകാനും ഈ ആപ്ലിക്കേഷനിലൂടെ സാധിക്കും. ബാങ്കിലെ എച്ച്ആര്‍ ഐടി വിഭാഗങ്ങള്‍ സംയുക്തമായാണ് ആപ്ലിക്കേഷന്‍ വികസിപ്പിച്ചത്.
പ്രതികരിക്കാൻ ഇവിടെ എഴുതുക: