മുഹമ്മ: നാദഗസ്വര കലയുടെ സര്ഗവസന്തമായ വി കെ വാസുഭാഗവതര് അരങ്ങൊഴിഞ്ഞു.പ്രശസ്തമായ വി കെ ആര് ബ്രദേഴ്സ് നാദസ്വര സംഘത്തിലെ പ്രധാനകണ്ണികളിലൊരാളായ ചിറയില് വാസുഭാഗവതര് ഇന്നലെ ഉച്ചയോടെയാണ് അന്തരിച്ചത്.
നാദസ്വര രംഗത്ത് ഏഴരപ്പതിറ്റാണ്ടോളം നിറസാന്നിധ്യമായിരുന്നു വാസുഭാഗവതര്.ജ്യേഷ്ഠന് രാഘവനില് നിന്ന് കലയുടെ ബാലപാഠം അഭ്യസിച്ചത്. പന്ത്രണ്ടാം വയസ്സില് നാദസ്വരരംഗത്ത് അരങ്ങേറ്റം കുറിച്ച വാസു പോട്ടച്ചാല് ദാമോദരന് ഭാഗവതരുടെ ശിഷ്യനായിരുന്നു.
തമിഴ്നാട്ടിലെ വിവിധ സ്ഥലങ്ങളില് നാദസ്വര കലയിലെ കുലപതികളില് നിന്നും പരിശീലനം നേടിയിരുന്നു. സംസ്ഥാനത്തും പുറത്തുമായി നിരവധി ക്ഷേത്രങ്ങളിലും പരിപാടികള് അവതരിപ്പിച്ചിട്ടുണ്ട്.
വൈക്കം മഹാദേവ ക്ഷേത്രത്തില് വാസുവും സംഘവും സ്ഥിരമായി നാദസ്വരം വായിച്ചിരുന്നു. വാസുഭാഗവതരുടെ മരണത്തോടെ വി കെ ആര് ബ്രദേഴ്സിലെ മൂന്നുപേരും(വാസു,കുഞ്ഞപ്പന്,രാഘവന്) അരങ്ങൊഴിഞ്ഞു.
എങ്കിലും ഇവരുടെ കുടുംബാംഗങ്ങളിലൂടെ ഈ നാദസ്വര സംഘം ഇനിയും അറിയപ്പെടും. രാഘവന് ഭാഗവതരുടെ മകന് രവീന്ദ്രന്,രവീന്ദ്രന്റെ മകന് സന്തോഷ്,വാസുഭാഗവതരുടെ മകന് ഷണ്മുഖന്,കുഞ്ഞപ്പന് ഭാഗവതരുടെ മക്കള് വെങ്കിട്ടരാമന്,രാജഗോപാല് എന്നിവര് നാദസ്വര കലയിലെ സജീവ സാന്നിധ്യമാണ്.
