മലപ്പുറം: തദ്ദേശ തെരഞ്ഞെടുപ്പില്‍ ബിജെപിക്ക് വേണ്ടി ജില്ല പഞ്ചായത്തിലേക്ക് മത്സരിക്കാന്‍ മുസ്ലീം സഹോദരങ്ങളും. ന്യൂനപക്ഷ മോര്‍ച്ച ജില്ലാ ജനറല്‍ സെക്രട്ടറി അബ്ദുള്‍ ജലീല്‍ അബ്ദുള്‍ ജലീലാണ് പൊന്മുണ്ടം ഡിവിഷനില്‍ നിന്ന് ബിജെപിക്ക് വേണ്ടി ജനവിധി തേടുന്നത്.
ഏറെ കാലം പ്രവാസ ജിവിതം നയിച്ച ജലീല്‍ ന്യൂനപക്ഷ മോര്‍ച്ചയുടെ സജീവ പ്രവര്‍ത്തകനാണ്. പ്രവാസി മഞ്ചിന്റെ ദേശീയ ചുമതലയും, താനൂര്‍ വ്യാപാരി വ്യവസായി ഏകോപന സമിതി യൂണിറ്റ് സെക്രട്ടറിയുമായി പ്രവര്‍ത്തിക്കുന്നു. ജീവകാരുണ്യ പ്രവര്‍ത്തനങ്ങളിലും സജീവ സാന്നിധ്യമായ ജലീലിന് പൊന്മുണ്ടത്ത് വലിയ ജനപിന്തുണയാണ് ലഭിക്കുന്നത്.
അലി വെട്ടിലങ്ങത്താണ് രണ്ടത്താണിയില്‍ ബിജെപിക്ക് വേണ്ടി മത്സരിക്കുന്നത്. മുസ്ലീം ലീഗ് പ്രവര്‍ത്തകനായിരുന്ന അലി ലീഗിലെ അടിച്ചമര്‍ത്തലില്‍ മനംമടുത്താണ് പാര്‍ട്ടിവിട്ടത്. ന്യൂനപക്ഷങ്ങളോട് എന്നും ആത്മാര്‍ത്ഥത പുലര്‍ത്തുന്ന ബിജെപിക്കൊപ്പം പ്രവര്‍ത്തിക്കാന്‍ അലിയുടെ കൂടെ നൂറുകണക്കിന് പ്രവര്‍ത്തകരാണ് രണ്ടത്താണിയിലുള്ളത്.
ഇരുവര്‍ക്കും വന്‍ജനപിന്തുണയാണ് ഡിവിഷനുകളില്‍ ലഭിക്കുന്നത്. ബിജെപി പ്രവര്‍ത്തകരുടെ അച്ചടക്കപൂര്‍വ്വമായ പ്രവര്‍ത്തനം മറ്റ് പാര്‍ട്ടികളെ ആശങ്കയിലാക്കുന്നുണ്ട്.
പ്രതികരിക്കാൻ ഇവിടെ എഴുതുക: