മുംബൈ : ഭാരതത്തിലെ ഏറ്റവും പ്രൗഢിയേറിയ വീടായ ജാട്ടിയ ആദിത്യ ബിര്‍ള ഗ്രൂപ്പ് മേധാവി കുമാര്‍ മംഗലം ബിര്‍ള സ്വന്തമാക്കി. 425 കോടിയെന്ന റെക്കോര്‍ഡ് തുകയ്‌ക്കാണ് ബിര്‍ള ഈ കൊട്ടാരം സ്വന്തമാക്കിയത്. മലബാര്‍ താഴ്‌വരയില്‍ കടലിന് അഭിമുഖമായാണ് ഇത് സ്ഥിതിചെയ്യുന്നത്.
25000 ചതുരശ്ര അടിയിലാണ് ജാട്ടിയ ഹൗസ് പണിതിരിക്കുന്നത്.
കൊട്ടാരത്തിന്റെ ഉടമകളായ ശ്യാം കെ. ജാട്ടിയ, അരുണ്‍ കെ. ജാട്ടിയ എന്നിവര്‍ക്കു വേണ്ടി അന്താരാഷ്‌ട്ര പ്രോപ്പര്‍ട്ടി കണ്‍സള്‍ട്ടന്റ് കമ്പനിയായ ജോണ്‍സ് ലാങ് ലാസല്ലെ ലേലത്തിലൂടെയാണ് ഈ വിട് വിറ്റത്.
400നും 500 കോടിക്കുമിടയിലായാണ് ലേല തുക നിശ്ചയിച്ചിരുന്നത്. ലേല തുകയുടെ പത്തു ശതമാനം അടുത്തു തന്നെ ബിര്‍ള ഗ്രൂപ്പ് ഉടമകള്‍ക്ക് നല്‍കണമെന്നതാണ് വ്യവസ്ഥ ബാക്കി തുക നിശ്ചിത കാലയളവിനുള്ളില്‍ കൊടുത്താല്‍ മതിയാകും. ജാട്ട് സഹോദരന്മാരുടെ കുടുംബമാണ് ജാട്ടിയ ഹൗസില്‍ ഇപ്പോള്‍ താമസിച്ചു വരുന്നത്.
പ്രതികരിക്കാൻ ഇവിടെ എഴുതുക: