കൊച്ചി: മലയാള സിനിമ രംഗത്തെ പ്രമുഖ മ്യൂസിക് ലേബല്‍ ആയ Muzik247, ആസിഫ് അലി നായകനാകുന്ന ‘കോഹിനൂര്‍’ലെ ആദ്യ സോങ് വീഡിയോ റിലീസ് ചെയ്തു. ‘ഹേമന്തമെന്‍’ എന്ന് തുടങ്ങുന്ന ഈ ശ്രുതിമധുരമായ ഗാനം പാടിയിരിക്കുന്നത് വിജയ് യേശുദാസാണ്.
വരികള്‍ രചിച്ചിരിക്കുന്നത് ഹരിനാരായണന്‍ ബി.കെ.യും സംഗീത സംവിധാനം നിര്‍വ്വഹിച്ചിരിക്കുന്നത് രാഹുല്‍ രാജുമാണ്. അസിഫ് അലി സിനിമ നിര്‍മ്മാണരംഗത്തിലേക്ക് ചുവട് വയ്‌ക്കുന്ന ചിത്രമാണ് കോഹിനൂര്‍. കൂട്ടുകാരായ സജിന്‍ ജാഫറിന്റെയും ബ്രിജിഷ് മുഹമ്മദിന്റെയും കൂടെ ചേര്‍ന്നാണ് ‘ആഡംസ് വേള്‍ഡ് ഓഫ് ഇമാജിനേഷന്‍’ന്റെ ബാനറില്‍ ഈ സിനിമ നിര്‍മ്മിച്ചിട്ടുള്ളത്.
വിനയ് ഗോവിന്ദ് സംവിധാനം നിര്‍വ്വഹിച്ചിട്ടുള്ള കോഹിനൂറിന്റെ കഥ, തിരകഥ, സംഭാഷണം എന്നിവ ഒരുക്കിയിരിക്കുന്നത് സലില്‍ മേനോനും രഞ്ജിത്ത് കമല ശങ്കറുമാണ്. അസിഫ് അലിയും അപര്‍ണ്ണ വിനോദും മുഖ്യ കഥാപാത്രങ്ങളായി അഭിനയിക്കുന്ന ഈ സിനിമയില്‍ ഇന്ദ്രജിത്ത് സുകുമാരന്‍, അജു വര്‍ഗീസ്, സണ്ണി വെയ്ന്‍, വിനയ് ഫോര്‍ട്ട്, ചെമ്പന്‍ വിനോദ് എന്നിവരും അണിനിരക്കുന്നു.
പ്രതികരിക്കാൻ ഇവിടെ എഴുതുക: