കുമളി: നിരവധി മോഷണക്കേസുകളിലെ പ്രതി പിടിയില്‍. തിരുവനന്തപുരം വാമനപുരം സ്വദേശിയും കുമളിയില്‍ വാടകയ്‌ക്ക് താമസിക്കുകയും ചെയ്യുന്ന മംഗളാവുവിള കൊമ്പ് ഷിബു(32) ആണ് പിടിയിലായത്. കുമളി ആറാം മൈലില്‍ നിന്നും തമിഴ്‌നാട് സ്വദേശിയുടെ ഒമ്‌നി വാന്‍ മോഷ്ടിച്ച കേസിലാണ് പ്രതി തമിഴ്‌നാട്ടില്‍ നിന്നും പിടിയിലായത്. തമിഴ്‌നാട് പോലീസ് നല്‍കിയ വിവരം അനുസരിച്ച് കുമളി എസ്.ഐ പി.റ്റി ജോസഫിന്റെ നേതൃത്വത്തിലുള്ള സംഘം പ്രതിയെ ഗൂഡല്ലൂരില്‍ നിന്നും പിടികൂടുകയായിരുന്നു. മോഷ്ടിച്ച വാഹനവും കസ്റ്റഡിയിലെടുത്തിയിട്ടുള്ളത്. കുമളി സ്റ്റേഷനില്‍ മറ്റൊരു ബൈക്ക് മോഷണക്കേസിലും പത്തനംതിട്ട, കൊട്ടാരക്കര, പള്ളിക്കത്തോട് എന്നിവിടങ്ങളില്‍ മാല മോഷണക്കേസിലും ഇയാള്‍ പ്രതിയാണ്. കൊമ്പ് ഷിബുവിനെ റിമാന്റ് ചെയ്തു. ഇയാളെ കൂട്ടാളി ജാക്കി സുജിത്തും പിടിയിലായിട്ടുണ്ട്. ആറ് മാസം മുന്‍പാണ് ഷിബു ജയില്‍ ശിക്ഷ കഴിഞ്ഞ് ഇറങ്ങിയത്.
Saturday, November 23, 2024
കുപ്രസിദ്ധ മോഷ്ടാവ് കൊമ്പ് ഷിബു പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: