തെളിവെടുപ്പ് നടത്തി

തൊടുപുഴ : ഇന്നലെ പിടിയിലായ ഡിവൈഎഫ്‌ഐ നേതാവ് അഖിലിനെ കാഞ്ഞിരമറ്റത്ത് എത്തിച്ച് തെളിവെടുത്തു. കുത്താനുപയോഗിച്ച ആയുധം കണ്ടെത്താനായില്ല. അതേസമയം നീളമുള്ള സ്‌ക്രൂഡ്രൈവര്‍ ഉപയോഗിച്ചാണ് കൃത്യം നടത്തിയതെന്ന് പ്രതി പറയുന്നു. കത്തി പ്രതിയുടെ കയ്യില്‍ ഇരിക്കുന്നത് കണ്ടതായി നാട്ടുകാര്‍ പറയുന്നു. കുത്തിയ ശേഷം ഓടി രക്ഷപ്പെടാന്‍ ശ്രമിക്കുന്നതിനിടയ്‌ക്ക് കാഞ്ഞിരമറ്റം ഗ്രാമീണ വായനശാലയ്‌ക്ക് സമീപം കത്തി നഷ്ടപ്പെട്ടതായാണ് പ്രാഥമിക വിവരം. ഇവിടെ പരിശോധന നടത്തിയെങ്കിലും ഉപയോഗിച്ച ആയുധം കണ്ടെത്താനാകാത്തത് പോലീസിന് തലവേദനയായിട്ടുണ്ട്. പ്രതിയുമായി കൃത്യം നടന്ന രാത്രിയില്‍ ഇയാള്‍ ഓടിയ സ്ഥലങ്ങളിലൂടെയെല്ലാം പോലീസ് സഞ്ചരിച്ചു.