കൊച്ചി: ദക്ഷിണേന്ത്യന്‍ സംഗീത ബാന്‍ഡായ വിദ്വാന്‍ 23-ന് രാത്രി 7ന് ജെടി പായ്ക്കില് സംഗീതനിശയൊരുക്കുന്നു. ഹിന്ദുസ്ഥാനി, കര്‍ണാട്ടിക് സംഗീതത്തിനൊപ്പം പുതിയകാല സംഗീതവും കൂട്ടിച്ചേര്‍ക്കുന്നതില്‍ പ്രഗത്ഭരാണ് വിദ്വാന്‍. മായികശബ്ദത്തിന് ഉടമകളായ അനൂപ് മോഹന്‍ദാസ്, നേഹ നയര്‍ എന്നിവരാണ് ബാന്‍ഡിന് നേതൃത്വം നല്കുന്നത്.
വിവിയന്‍ വര്‍ഗീസ് ലീഡ് ഗിറ്റാറ്റിലും ടാവോ ഇസാറോ ഡ്രമ്മിലും പുതിയ സംഗീതപ്രപഞ്ചം സൃഷ്ടിക്കും. ബെന്‍ സാം ജോണ്‍സ് ആണ് ബാസ് ലൈനില്‍. അക്വസ്റ്റിക് ഗിറ്റാര്‍ കൈകാര്യം ചെയ്യുന്നത് വിവേക് തോമസ്. കീബോര്‍ഡില്‍ യക്‌സാന്‍ ഗാരിയും തവില്‍ എന്ന പരമ്പരാഗത കൊട്ടുവാദ്യത്തെ ആധുനിക സംഗീതത്തിനൊപ്പം സജിത് പത്മനാഭനും വിസ്മയങ്ങള്‍ തീര്‍ക്കും.
പ്രതികരിക്കാൻ ഇവിടെ എഴുതുക: