തിരുവനന്തപുരം: തിരുവനന്തപുരം നഗരസഭയുടെ അഴിമതിഭരണത്തിനെതിരെ ബിജെപി നേമം നിയോജകമണ്ഡലത്തിന്റെ നേതൃത്വത്തില്‍ നടന്ന പദയാത്രകള്‍ നഗരസഭ ഭരണ നേതൃത്വത്തിന് താക്കീതായി.
കഴിഞ്ഞ അഞ്ചുവര്‍ഷം ഇടത-വലതു മുന്നണികള്‍ ജനങ്ങള്‍ക്ക് നല്കിയ വാഗ്ദാനങ്ങള്‍ പാലിക്കാത്തത് തുറന്ന് കാട്ടുന്നതായിരുന്നു ബിജെപിയുടെ ഗ്രാമ പദയാത്രകള്‍.നഗരത്തിനോടടുത്ത് കിടന്നിട്ടും കുടിവെള്ളമില്ലാത്ത നാടാണ് പാപ്പനംകോട് പ്രദേശം. ഉറക്കമിളിച്ച് ടാങ്കര്‍ വെള്ളത്തിനായി കാത്തിരിക്കേണ്ടി വരുന്നു. കോണ്‍ഗ്രസ്സും സിപിഎമ്മും എംഎല്‍എയും ജനങ്ങളുടെ ദുസ്ഥിതി കണ്ടില്ലെന്ന് നടിക്കുന്നു. പാപ്പനംകോട് പ്രദേശത്തെ ജനങ്ങളുടെ ദുരവസ്ഥയെ തുറന്നു കാട്ടാന്‍ പദയാത്രക്കു കഴിഞ്ഞു.
നേമത്തുനിന്ന് ആരംഭിച്ച പദയാത്രയ്‌ക്ക് മണ്ഡലം പ്രസിഡന്റ് എം.ആര്‍. ഗോപനും മേലാംകോട് നിന്നാരംഭിച്ച പദയാത്രക്ക് പാപ്പനംകോട് സജിയും പാപ്പനംകോട് നിന്നാരംഭിച്ച പദയാത്രയ്‌ക്ക് നീറമണ്‍കര ഹരിയും നേതൃത്വം നല്കി. പാപ്പനംകോട് നടന്ന സമാപന സമ്മേളനത്തില്‍ കരമന അജിത്, മലയിന്‍കീഴ് രാധാകൃഷ്ണന്‍, പ്രകാശ്, കാരയ്‌ക്കാമണ്ഡപം സാബു, ആറന്നൂര്‍ ശ്രീകുമാര്‍, പൂജപ്പൂര ഹരി, നീറമണ്‍കര രാജേഷ്, നന്ദകുമാര്‍, പാറയില്‍ മോഹനന്‍, ആറ്റുകാല്‍ മോഹനന്‍ എന്നിവര്‍ സംബന്ധിച്ചു.
പ്രതികരിക്കാൻ ഇവിടെ എഴുതുക: