സുരേഷ് ഗോപിയും ഹണി റോസും പ്രധാന കഥാപാത്രങ്ങളെ അവതരിപ്പിക്കുന്ന ‘മൈ ഗോഡ്’ന്റെ ഗാനങ്ങളുടെ ഓഡിയോ Muzik247 റിലീസ് ചെയ്തു. ചിത്രത്തില്‍ ഉള്‍പ്പെടുത്തിയിട്ടുള്ള മൂന്ന് ഗാനങ്ങള്‍ക്കും സംഗീതം നല്‍കിയിട്ടുള്ളത് ദേശീയ ചലച്ചിത്ര പുരസ്‌കാരം ലഭിച്ച സംഗീത സംവിധായകന്‍ ബിജിബാല്‍ ആണ്. റഫീക്ക് അഹമ്മദ്, ജോസ് തോമസ്, രമേശ് കാവില്‍ എന്നിവര്‍ രചിച്ച ഗാനങ്ങള്‍ ആലപിച്ചിരിക്കുന്നത് പി. ജയചന്ദ്രന്‍, ചിത്ര അരുണ്‍, ഉദയ് രാമചന്ദ്രന്‍, പീതാംബര മേനോന്‍ എന്നിവര്‍ ചേര്‍ന്നാണ്.
എം. മോഹനന്‍ സംവിധാനം നിര്‍വഹിച്ച ‘മൈ ഗോഡ്’, കാരുണ്യ വി ആര്‍ ക്രിയേഷന്‍സിന്റെ ബാനറില്‍ മഹീന്ദ്രന്‍ പുതുശ്ശേരിയും ഷൈന കെ.വിയുമാണ് നിര്‍മ്മിച്ചിട്ടുള്ളത്. തിരക്കഥ രചിച്ചിരിക്കുന്നത് ജിയോ മാത്യുയും നിജോ കുറ്റിക്കാടുമാണ്. ശ്രീനിവാസന്‍, ജോയ് മാത്യു, ഇന്ദ്രന്‍സ്, മാസ്റ്റര്‍ ആദര്‍ശ്, ശ്രീജിത്ത് രവി, ചാലി പാലാ, ലെന, രേഖ തുടങ്ങിയവരും ഈ ചിത്രത്തില്‍ അഭിനയിച്ചിട്ടുണ്ട്.
പ്രേമം, ബാംഗ്ലൂര്‍ ഡെയ്‌സ്, ഹൗ ഓള്‍ഡ് ആര്‍ യു, ഇയോബിന്റെ പുസ്തകം, വിക്രമാദിത്യന്‍, സപ്തമ ശ്രീ തസ്‌കരാഃ, ഒരു വടക്കന്‍ സെല്‍ഫി തുടങ്ങിയ വിജയ ചിത്രങ്ങളുടേയും സൗണ്ട് ട്രാക്കുകളുടെ ഉടമസ്ഥാവകാശം ങൗ്വശസ247 നാണ്.
പ്രതികരിക്കാൻ ഇവിടെ എഴുതുക: