ഉന്നത വിദ്യാഭ്യാസ രംഗത്തേക്ക്
അഞ്ച് പുതിയ ഐഐടികള് സ്ഥാപിക്കുക: കേന്ദ്ര ധനകാര്യമന്ത്രിയുടെ ബജറ്റ് പ്രഖ്യാപനത്തെ തുടര്ന്ന് കേരളം, ആന്ധ്രാപ്രദേശ്, ഗോവ, ചത്തീസ്ഗഢ്, ജമ്മു എന്നീ സംസ്ഥാനങ്ങളില് അഞ്ച് പുതിയ ഐഐടികള് സ്ഥാപിക്കാന് തീരുമാനിച്ചു. ഈ ഐഐടികളില് താത്കാലികമോ സ്ഥിരമായതോ ആയ ക്യാമ്പസിനുള്ള ഇടങ്ങള്ക്ക് അനുമതി ലഭിച്ചവ ആദ്യ അക്കാദമിക് സെഷന് 2015-16 ല് ആരംഭിക്കും. കര്ണാടക സംസ്ഥാനത്ത് ഒരു ഐഐടി സ്ഥാപിക്കുകയും ധന്ബാദിലുള്ള ഇന്ത്യന് സ്കൂള് ഓഫ് മൈന്സ് ഒരു സമ്പൂര്ണ്ണ ഐഐടിയായി മാറ്റുകയും ചെയ്തു.
യുഎസ്ടിടിഎഡി: പരമ്പരാഗത കല, ശില്പ മേഖലകളുടെ വികസനത്തിനായി നൈപുണ്യവും, പരിശീലനവും മെച്ചപ്പെടുത്തുന്നതിനുള്ള ഒരു പുതിയ പദ്ധതിയ്ക്ക് അനുമതി നല്കി. പരമ്പരാഗത കല, ശില്പ വിദഗ്ധരുടെ ശേഷി വര്ദ്ധിപ്പിക്കുക, പരമ്പരാഗത കല-ശില്പങ്ങളുടെ നിലവാരം നിശ്ചയിക്കുക, അത് രേഖകളാക്കുകയും വിപണിയുമായി ബന്ധപ്പെടുത്തുകയും ചെയ്യുക എന്നതാണ് പദ്ധതിയുടെ ലക്ഷ്യം. യുഎസ്ടിടിഎഡി ബ്രാന്ഡ് ചെയ്യുന്നതിനും വിപണിയുമായി ബന്ധിപ്പിക്കുന്നതിനുമായി മന്ത്രാലയം വെീുരഹൗല.െരീാ എന്ന ഇ-കൊമേഴ്സ് പോര്ട്ടലുമായി ധാരണാപത്രത്തില് ഒപ്പു വച്ചു.
പ്രതികരിക്കാൻ ഇവിടെ എഴുതുക: