കൊല്ലം: പെട്രോള്‍ പമ്പിലെ മൂത്രപ്പുരയില്‍ മയക്കുമരുന്ന് ഉപയോഗിക്കുന്നതിനിടയില്‍ കൗമാരക്കാരന്‍ പിടിയിലായി. നെല്ലിമുക്കിലുള്ള ഇന്ത്യന്‍ഓയില്‍ കോര്‍പ്പറേഷന്റെ പെട്രോള്‍ പമ്പിനോട് ചേര്‍ന്ന മൂത്രപ്പുരയിലായിരുന്നു സംഭവം. മൂത്രപ്പുരയില്‍ കയറിയ രണ്ടുപേര്‍ മണിക്കൂറുകള്‍ കഴിഞ്ഞിട്ടും ഇറങ്ങാത്തതില്‍ സംശയം തോന്നിയ പമ്പ് ഉടമസ്ഥന്‍ മൂത്രപ്പുര പൂട്ടിയിട്ടു.
ഇതിലുണ്ടായിരുന്നവര്‍ കതക് ചവുട്ടിപ്പൊളിച്ച് പുറത്തുചാടിയപ്പോള്‍ ഒരാളെ ജീവനക്കാര്‍ ഓടിച്ചിട്ടുപിടിച്ച്് വെസ്റ്റ് പൊലീസിന് കൈമാറി.് ബൈക്കിലെത്തിയ മറ്റ് രണ്ട് യുവാക്കള്‍ മൂത്രപ്പുരയില്‍ കയറുകയും കുറേസമയത്തിന് ശേഷം ഇറങ്ങിപ്പോവുകയും ചെയ്തിരുന്നു. ഇതില്‍ സംശയം തോന്നിയ ഉടമസ്ഥന്‍ മൂത്രപ്പുര തുറന്ന് നോക്കിയപ്പോള്‍ മയക്കുമരുന്ന് ഉപയോഗിച്ചതിന്റെ സിറിഞ്ച് കണ്ടെത്തിയിരുന്നു. പമ്പില്‍ ആളില്ലാതെ പാര്‍ക്ക് ചെയ്തിരുന്ന ബൈക്കും പൊലീസ് കസ്റ്റഡിയിലെടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: