കൊല്ലം: എന്‍എസ്എസ് ആസ്ഥാനത്തെത്തിയ സുരേഷ് ഗോപിയെ അപമാനിച്ച എന്‍എസ്എസ് സംസ്ഥാന ജനറല്‍ സെക്രട്ടറി സുകുമാരന്‍ നായരുടെ നടപടിയില്‍ തപസ്യകലാസാഹിത്യവേദി കൊല്ലം മഹാനഗര്‍ സമിതി പ്രതിഷേധിച്ചു. സാംസ്‌കാരിക രംഗത്തും ജീവകാരുണ്യ പ്രവര്‍ത്തനങ്ങളിലും വ്യക്തിമുദ്ര പതിപ്പിച്ച കേരളത്തിലെ മഹാ നടനെ അപമാനിച്ചപ്പോള്‍ തകര്‍ന്നത് കേരളത്തിന്റെ സാംസ്‌കാരിക പൈതൃകമാണെന്ന് തപസ്യ പറഞ്ഞു.
പ്രതിഷേധത്തിന്റെ ഭാഗമായി കലക്‌ട്രേറ്റിന് മുന്നില്‍ നടന്ന യോഗം തപസ്യസെക്രട്ടറി പ്രതിലാല്‍ ഉദ്ഘാടനം ചെയ്തു. സുരേഷ് പുതുവയല്‍, സോണി വിദ്യാധരന്‍, അഡ്വ.ആര്‍. അമ്പിളി, അഡ്വ: മോഹന്‍ബാബു, രാജ ,തെക്കടം ഹരീഷ് എന്നിവര്‍ സംസാരിച്ചു. നഗരത്തില്‍ സുകുമാരന്‍നായര്‍ക്കെതിരെ പേസ്റ്ററുകളും പതിച്ചിട്ടുണ്ട്.സുരേഷ് ഗോപിയെ അപമാനിച്ച സംഭവത്തില്‍ നിരവധി സാസ്‌കാരിക സംഘടനകള്‍ പ്രതിഷേധവുമായി രംഗത്തെത്തിയിട്ടുണ്ട.
പ്രതികരിക്കാൻ ഇവിടെ എഴുതുക: