ഭൗതികം ദുഃഖം കലര്ന്നതാണ്. എന്നാല് ആദ്ധ്യാത്മികം മനസ്സിലാക്കിയിരുന്നാല് അത് ആനന്ദദായകംതന്നെ. പ്രതേ്യകം പരിശീലനം കൂടാതെ കടലില് നീന്താനിറങ്ങിയാല് തിരയില് പെട്ടുപോകും. ചിലപ്പോള് മരണംവരെ സംഭവിക്കാം. എന്നാല് കടലില് നീന്താന് പഠിച്ചവര്ക്ക് ഏതു വലിയ തിരയെ മുറിച്ചു കടക്കുവാനും പ്രയാസമില്ല.
അതുപോലെ ആദ്ധ്യാത്മികം മനസ്സിലാക്കി ജീവിതം നയിച്ചാല് ഏതു പ്രതിബന്ധത്തിലും തളരാരെ മുന്നോട്ടുപോകുവാന് കഴിയും. ഏതു സാഹചര്യത്തെയും അതിജീവിക്കുവാന് സാധിക്കും. ഒരു വസ്തുവില് ആനന്ദം കണ്ടെത്തുന്നതും മറ്റൊരു വസ്തുവിനെ വെറുക്കുന്നതും മനസ്സുകൊണ്ടാണ്.
ചിലര്ക്ക് സിഗററ്റില്ലാതെ ജീവിക്കുവാന് കഴിയില്ല. മറ്റു ചിലര്ക്കാകട്ടെ സിഗററ്റിന്റെ പുകയേറ്റാല് അസ്വസ്ഥതയാണ്. സുഖവും ദുഃഖവും മനസ്സിലാണ്. അങ്ങനെയുള്ള മനസ്സിനെ നിയന്ത്രിച്ചു ശരിയായ പാതയില് കൊണ്ടുവരാന് കഴിഞ്ഞാല് ജീവിതത്തില് ആനന്ദം മാത്രമായിരിക്കും. അതിനുള്ള മനസ്സിന്റെ വിദ്യയാണ് ആദ്ധ്യാത്മികവിദ്യ. അതു മനസ്സിലാക്കി ജീവിച്ചാല് ദുഃഖിക്കേണ്ടതില്ല.
