വൈക്കം : അമിതവേഗതയില്‍ വന്ന കാറും സ്വകാര്യബസും കൂട്ടിയിടിച്ച് കാര്‍ ഡ്രൈവര്‍ക്ക് ഗുരുതരപരുക്ക്. ഇന്നലെ ഉച്ചക്ക് ഒന്നിന് തുറുവേലിക്കുന്ന് വളവിലാണ് അപകടം. തലയോലപ്പറമ്പിലെ സര്‍വീസ് സെന്ററില്‍ നിന്ന് വൈക്കത്തുള്ള ഉടമയുടെ വീട്ടില്‍ കാര്‍ ഏല്‍പിക്കാന്‍ വരുമ്പോഴാണ് അപകടം. വൈക്കത്തുനിന്നും കോട്ടയത്തേക്ക് പോവുകയായിരുന്ന സ്വകാര്യബസുമായാണ് കാര്‍ കൂട്ടിയിടിച്ചത്. അപകടത്തില്‍ തലയോലപ്പറമ്പിലെ മാരുതി സര്‍വീസ് സെന്റര്‍ ജീവനക്കാരന്‍ അരുണിന് സാരമായ പരുക്കേറ്റു. ഇയാളെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഇടിയുടെ ആഘാതത്തില്‍ കാര്‍ പൂര്‍ണമായി തകര്‍ന്നു. ഏറെ പണിപ്പെട്ടാണ് കാറിനുള്ളില്‍ നിന്ന് അരുണിനെ പുറത്തെടുത്തത്. സ്വകാര്യബസിന്റെ മുന്‍ഭാഗത്തെ ചില്ല് ഇടിയില്‍ തകര്‍ന്നു. ബസിലുള്ള ആര്‍ക്കും അപകടത്തില്‍ പരുക്കില്ല. വൈക്കം ജോയിന്റ് ആര്‍.ടി.ഒയുടെ നേതൃത്വത്തിലുള്ള വാഹനവകുപ്പ് അധികാരികള്‍ സ്ഥലത്തെത്തി മേല്‍നടപടികള്‍ സ്വീകരിച്ചു.
Wednesday, November 20, 2024
അമിതവേഗതയില്‍ വന്ന കാറും സ്വകാര്യബസും കൂട്ടിയിടിച്ച് കാര്‍ ഡ്രൈവര്‍ക്ക് ഗുരുതരപരുക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: