കൊച്ചി: കേരള സംസ്ഥാന സിവില്‍ സപ്‌ളൈസ് കോര്‍പറേഷന്റെ ആറ് വില്പനശാലകള്‍ ഇന്ന് ഭക്ഷ്യ പൊതുവിതരണ വകുപ്പ് മന്ത്രി അനൂപ് ജേക്കബ് ഉദ്ഘാടനം ചെയ്യും. കാസര്‍ഗോഡ് ജില്ലയിലെ അഞ്ചും കണ്ണൂര്‍ ജില്ലയിലെ ഒരു വില്പനശാലയുമാണ് ഇന്ന് പ്രവര്‍ത്തനമാരംഭിക്കുക.
കാസര്‍കോഡ് ജില്ലയില്‍ മടിക്കൈ ഗ്രാമപഞ്ചായത്തില്‍ ബങ്കളം കൂട്ടപ്പൂന്നയിലെ മാവേലി സ്‌റ്റോര്‍, നീലേശ്വരം മെയിന്‍ ബസാറിലെ പീപിള്‍സ് ബസാറും മാവേലി മെഡിക്കല്‍ സ്‌റ്റോറും, ഉദുമയിലെ സൂപ്പര്‍മാര്‍ക്കറ്റ്, വലിയപറമ്പ ഗ്രാമപഞ്ചായത്തിലെ ബീച്ചാരക്കടവിലെ മാവേലിസ്‌റ്റോര്‍ എന്നിവയാണ് പുതുതായി ആരംഭിക്കുന്നത്. കണ്ണൂര്‍ ജില്ലയില്‍ വേങ്ങാട് ഗ്രാമപഞ്ചായത്തില്‍ കൊളത്തുമല (അഞ്ചരക്കണ്ടി)യിലാണ് പുതിയ മാവേലി സ്‌റ്റോര്‍ തുടങ്ങുന്നത്.
പ്രതികരിക്കാൻ ഇവിടെ എഴുതുക: