ഈ വെള്ളിയാഴ്ച തിയേറ്ററുകളില്‍ എത്തുന്ന ‘കുമ്പസാര’ത്തിന്റെ ഗാനങ്ങള്‍ സിനിമയുടെ ഒഫീഷ്യല്‍ ഓഡിയോ ലേബലായ Muzik 247ന്റെ യു ട്യൂബ് ചാനലില്‍ റിലീസ് ചെയ്തു. സിനിമയിലെ നാല് ഗാനങ്ങളും ചിട്ടപ്പെടുത്തിയിട്ടുള്ളത് മോഹന്‍ സിതാരയുടെ മകന്‍ വിഷ്ണു മോഹന്‍ സിതാരയാണ്.
ആവേശകരമായ ഒരു സാഹസീക ദൃശ്യാനുഭവമാണ് ഈ ചിത്രം വാഗ്‌ദാനം ചെയ്യുന്നത്. ജയസൂര്യ നായകനായ ചിത്രത്തില്‍ നായികാ കഥാപാത്രത്തെ അവതരിപ്പിക്കുന്നത് ഹണി റോസാണ്. ട്രിവാന്‍ഡ്രം ലോഡ്ജിനു ശേഷം ജയസൂര്യയും ഹണിയും ഒന്നിക്കുന്ന ചിത്രമാണിതെന്ന പ്രത്യേകതയും കുമ്പസാരത്തിനുണ്ട്. ടിനി ടോം, അജു വര്‍ഗീസ്, ബാലചന്ദ്രന്‍ ചുള്ളിക്കാട് തുടങ്ങിയവരാണു മറ്റുപ്രധാനതാരങ്ങള്‍.
സക്കറിയയുടെ ഗര്‍ഭിണികള്‍ എന്ന ചിത്രത്തിനു ശേഷം അനീഷ് അന്‍വര്‍ തിരക്കഥയും സംഭാഷണവും എഴുതുന്ന ചിത്രമാണിത്. പരിമിതമായ സ്വപ്നങ്ങളില്‍ കഴിഞ്ഞിരുന്ന കുടുംബം സംഘര്‍ഷത്തില്‍പ്പെടുന്നതും ഒടുവില്‍ അതിനെ അതിജീവിക്കുന്നതുമൊക്കെയാണ് ചിത്രം പറയുന്നത്. ആല്‍ബിയാണു ക്യാമറ.
ഫ്രെയിംസ് ഇന്നെവിറ്റബിളിന്റെ ബാനറില്‍ നിയാസ് ഇസ്മായിലാണ് കുമ്പസാരം നിര്‍മിക്കുന്നത്. ആട് ഒരു ഭീകരജീവിക്കു ശേഷം ജയസൂര്യയുടെതായി തിയെറ്ററിലെത്തുന്ന ചിത്രമാണിത്.
ഓഹോ നെഞ്ചില്‍
അനുക്രമമായ ബീറ്റുകള്‍ നിറഞ്ഞ ഈ പാട്ട് വിവിധ ഭാവങ്ങളും നാടകീയതയും ചേര്‍ന്ന ഒരു റോളര്‍ കോസ്റ്റര്‍ സവാരി പോലെ ആണ്.
പാടിയത്: വിഷ്ണു മോഹന്‍ സിതാര
ഗാനരചന: ഏങ്ങണ്ടിയൂര്‍ ചന്ദ്രശേഖരന്‍
നിലാ വെയിലില്‍
ഈ പാട്ടിന്റെ അന്തരീക്ഷം വേട്ടയാടുന്ന തരം വിഷാദം നിറഞ്ഞ ഒരു മെലഡിയാണ്.
പാടിയവര്‍: ശുഭം റോയ്, മൃദുല മോഹന്ദാസ്, ആന്റണി എല്റിന്‍ ഡിസില്‍വ, ഹരി ഗോവിന്ദ്
ഗാനരചന: ഏങ്ങണ്ടിയൂര്‍ ചന്ദ്രശേഖരന്‍ & അനീഷ് അന്‍വര്‍
ഓ ഗോഡ്
ഒരു കുട്ടിയുടെ നിഷ്കളങ്ക ശബ്ദത്തിലുള്ള ഹൃദയഹാരിയായ ഈ സുവിശേഷ ഗാനം പ്രതീക്ഷയുടെയും സ്നേഹത്തിന്റെയും കരുതലിന്റെയും പാത പ്രകടിപ്പിക്കുന്നതാണ്.
പാടിയത്: അനുഗ്രഹ റാഫി
ഗാനരചന: പ്രിയ മേനോന്‍
തളരാതെ
വശ്യമായ തെക്കന്‍ നാടോടി ബീറ്റുകള്‍ കൊണ്ട് നിറഞ്ഞ ഈ ഗാനം ഉദ്വേഗവും ആവേശവും ഉണ്ടാക്കുന്നു.
പാടിയത്: റെമിന്‍
ഗാനരചന: വിഷ്ണു മോഹന്‍ സിതാര
പ്രതികരിക്കാൻ ഇവിടെ എഴുതുക: