ഫഹദും അനുശ്രീയും വീണ്ടും ഒന്നിക്കുന്നു

ഡയമണ്ട് നെക്ലസ് എന്ന ചിത്രത്തിനുശേഷം ഫഹദ് ഫാസിലും അനുശ്രീയും ഒന്നിക്കുന്ന ചിത്രമാണ് മഹേഷിന്റെ പ്രതികാരം. നടന്‍ ദിലീഷ് പോത്തന്‍ ആദ്യമായി സംവിധാനം നിര്‍വഹിക്കുന്ന ചിത്രത്തിലാണ് ഇവര്‍ വീണ്ടും ഒന്നിക്കുന്നത്.

ചിത്രത്തില്‍ ഫോട്ടോഗ്രാഫറുടെ വേഷമാണ് ഫഹദിന്. പ്രണയവും പ്രതികാരവും പ്രമേയമാകുന്ന ചിത്രത്തിന്റെ ഷൂട്ടിംഗ് ജൂണില്‍ ഇടുക്കിയില്‍ ആരംഭിക്കും. ശ്യാം പുഷ്‌കരന്റേതാണ് തിരക്കഥ. സംഗീതം ബിജിബാല്‍. ഒപിഎം ഡ്രീം മില്‍ സിനേമാസിന്റെ ബാനറില്‍ ആഷിക് അബുവാണ് മഹേഷിന്റെ പ്രതികാരം നിര്‍മിക്കുന്നത്.