പ്രശസ്ത ഗാനരചയിതാവ് എം.ഡി. രാജേന്ദ്രന്‍ സംവിധാനം നിര്‍വഹിക്കുന്ന ചിത്രമാണ് ശ്രീ ശ്രീ ദേവരാഗം. സംഗീതത്തിന് പ്രാധാന്യം നല്‍കിയിരിക്കുന്ന ഈ ചിത്രത്തില്‍ അഞ്ച് ഗാനങ്ങള്‍ ആലപിക്കുന്നത് യേശുദാസാണ്. ചിത്രത്തിന്റെ രചനയും ഗാനരചനയും സംഗീതവും നിര്‍വഹിച്ചിരിക്കുന്നതും രാജേന്ദ്രന്‍ തന്നെയാണ്.
യേശുദാസ്, ചിത്ര, ചിത്രാനിഗോസ്വാമി എന്ന ഗസല്‍ ഗായിക എന്നിവരാണ് ഗാനങ്ങള്‍ ആലപിക്കുക. പാലക്കാട്ടെ ഒരു സംഗീത കുടുംബത്തിന്റെ കഥ പറയുന്ന ഈ ചിത്രം മെയ് ആദ്യം പാലക്കാട് ചിത്രീകരണം ആരംഭിക്കും. ആരോണ്‍ ദേവരാഗ്, സൂര്യാ കൃഷ്ണമൂര്‍ത്തി, പ്രശാന്ത് മാടമ്പി, ടി. എന്‍. പ്രതാപന്‍ എം. എല്‍. എ, രാജ്‌മോഹന്‍ ഉണ്ണിത്താന്‍, ദേവിശ്രീ, ഗീത, കവിയൂര്‍ പൊന്നമ്മ, മാസ്റ്റര്‍ പ്രണയ്, ഫ്രീനോ ഫ്രാന്‍സിസ് എന്നിവരോടോപ്പം പ്രമുഖ താരങ്ങളും അഭിനയിക്കുന്നു. ബ്രഹ്മാപ്രണയ് കംബയിന്‍സിനുവേണ്ടി പ്രശാന്താണ് ചിത്രം നിര്‍മിക്കുന്നത്.
പ്രതികരിക്കാൻ ഇവിടെ എഴുതുക: