കൊച്ചി: സംഗീത സംവിധായകനും ഗായകനുമായ ജോബ് കുര്യന്റെ സംഗീതസായാഹ്നം ജെടിപായ്‌ക്കില്‍ മെയ് പത്തിന്. ജോബ് കുര്യന്‍ സ്വയം ചിട്ടപ്പെടുത്തിയ ഗാനങ്ങളാണ് വേദിയില്‍ അവതരിപ്പിക്കുന്നത്. പ്രമുഖ ഗായകരായ ഹരീഷ് ശിവരാമകൃഷ്ണന്‍ (അഗം), ആതിര ജോബ് എന്നിവരും ഗാനങ്ങള്‍ ആലപിക്കും. സംഗീതസായാഹ്നം എഴുപത് മിനിട്ട് നീണ്ടുനില്‍ക്കും.
കീബോര്‍ഡില്‍ സാമുവല്‍ ലിയോയും ബാസ് ഗിറ്റാറില്‍ ബെന്‍ സാം ജോണ്‍സും മിഥുന്‍ പുത്തന്‍വീട്ടില്‍ ഡ്രംസും, സുനില്‍ സില്‍വസ്റ്റര്‍, അരുണ്‍ ദത്ത് പുല്ലത്ത് എന്നിവര്‍ ഗിറ്റാറിലും, സുബിന്‍ പാപ്പച്ചന്‍ പെര്‍കഷനിലും സജിത് പാപ്പച്ചന്‍ ഇന്ത്യന്‍ പെര്‍കഷനിലും അകമ്പടിയാകും.
എന്‍ജിനീയറായ ജോബ് കുര്യന്‍ കഴിഞ്ഞ ഒന്‍പത് വര്‍ഷമായി സ്റ്റേജില്‍ സംഗീതപരിപാടികള്‍ അവതരിപ്പിക്കുന്നു. ടിക്കറ്റുകള്‍ക്കായി വിളിക്കുക: 8086881681, 9349528057
പ്രതികരിക്കാൻ ഇവിടെ എഴുതുക: