ആലപ്പുഴ: ബിജെപി ജില്ലാ പ്രസിഡന്റ് വെള്ളിയാകുളം പരമേശ്വരന്‍ നയിച്ച രാഷ്‌ട്രീയ പ്രചരണ യാത്രയ്‌ക്ക് നല്‍കിയ സ്വീകരണ യോഗങ്ങളില്‍ പട്ടികജാതി മോര്‍ച്ച ജില്ലാ കമ്മറ്റിയുടെ നേതൃത്വത്തില്‍ സംഘടിപ്പിച്ച ഓട്ടന്‍തുള്ളല്‍ ശ്രദ്ധേയമായി. സമകാലിക രാഷ്‌ട്രീയവും ഭരണ-പ്രതിപക്ഷങ്ങളുടെ ഒത്തുകളിയും അഴിമതിയും ആക്ഷേപഹാസ്യത്തില്‍ ഉന്നയിച്ചാണ് ഓട്ടന്‍തുള്ളല്‍ നടത്തിയത്. ജനങ്ങളെ വളരെയേറെ ഓട്ടന്‍തുള്ളല്‍ ആകര്‍ഷിച്ചു. പട്ടികജാതി മോര്‍ച്ച സംസ്ഥാന കമ്മറ്റിയംഗം ബേബി നമ്പേലില്‍, ടിവി ചലച്ചിത്ര താരങ്ങളായ ഇന്ദു തിരുവല്ല, പ്രമോദ് കോതമംഗലം എന്നിവരാണ് അരങ്ങിലെത്തിയത്. പട്ടികജാതിമോര്‍ച്ച സംസ്ഥാന ജനറല്‍ സെക്രട്ടറി സി.എ. പുരുഷോത്തമന്‍, ജില്ലാ പ്രസിഡന്റ് കെ.ബി. ഷാജി എന്നിവര്‍ നേതൃത്വം നല്‍കി.
Monday, November 18, 2024
പട്ടികജാതിമോര്‍ച്ചയുടെ ഓട്ടന്‍തുള്ളല്‍ ശ്രദ്ധേയമായി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: