കൊട്ടാരക്കര: വിനായകസവിധത്തില്‍ നിന്ന് ബിജെപിയുടെ വിജയയാത്രയ്‌ക്ക് തുടക്കം. അഴിമതിക്കും ഒത്തുതീര്‍പ്പുരാഷ്‌ട്രീയത്തിനുമെതിരെ ബിജെപി ജില്ലാ പ്രസിഡന്റ് എം. സുനില്‍ നയിക്കുന്ന രാഷ്ട്രീയ പ്രചരണ ജാഥക്ക് കൊട്ടാരക്കരയില്‍ നിന്ന് തുടക്കമായി.
ഇന്നലെ വൈകിട്ട് 5ന് പാര്‍ട്ടി സംസ്ഥാന പ്രസിഡന്റ് വി. മുരളീധരന്‍ ഉദ്ഘാടനം ചെയ്തു.ഇന്ന് രാവിലെ 8 മണിക്ക് വയയ്‌ക്കലില്‍ നല്‍കുന്ന സ്വീകരണത്തില്‍ സംസ്ഥാന സമിതി അംഗം അഡ്വ. ജയസൂര്യയും മൈലത്ത് 10ന് നടക്കുന്ന സ്വീകരണത്തില്‍ സംസ്ഥാനസെക്രട്ടറി ജെ.ആര്‍. പത്മകുമാറും സംസാരിക്കും.
പത്തനാപുരം, കുന്നിക്കോട് പുനലൂര്‍ എന്നിവിടങ്ങളിലെ സ്വീകരണത്തിന് ശേഷം ജാഥ ഇന്ന് അഞ്ചലില്‍ സമാപിക്കും. പാര്‍ട്ടി വക്താവ് ജോര്‍ജ്ജ് കുര്യന്‍ സമാപനസമ്മേളനം ഉദ്ഘാടനം ചെയ്യും.
നാളെ കോട്ടുക്കല്‍ നിന്നാരംഭിച്ച് ചടയമംഗലം, പാരിപ്പള്ളി, ചാത്തന്നൂര്‍, ഉമയനല്ലൂര്‍ എന്നിവിടങ്ങളിലെ സ്വീകരണത്തിന് ശേഷം അയത്തില്‍ സമാപിക്കും. സംസ്ഥാന സെക്രട്ടറി ജെ.ആര്‍. പത്മകുമാര്‍ സംസാരിക്കും. 5ന് രാവിലെ 9ന് കണ്ണനല്ലൂരിലും 10ന് കുണ്ടറ, മുക്കടയിലും സ്വീകരണം നല്‍കും.
കണ്ണനല്ലൂരില്‍ സംസ്ഥാന സമിതിയംഗം ഡി. അശ്വിനീദേവും മുക്കടയില്‍ യുവമോര്‍ച്ച സംസ്ഥാന പ്രസിഡന്റ് അഡ്വ. പി. സുധീറും സംസാരിക്കും. തുടര്‍ന്ന് പുത്തൂര്‍, ശാസ്താംകോട്ട, ചക്കുവള്ളി എന്നിവിടങ്ങളിലെ സ്വീകരണത്തിന് ശേഷം കരുനാഗപ്പള്ളിയില്‍ സമാപിക്കും.
സംസ്ഥാന സെക്രട്ടറി കെ.എസ്. രാജന്‍ സംസാരിക്കും. 6ന് രാവിലെ ഓച്ചിറയിലെ സ്വീകരണത്തിന് ശേഷം തേവലക്കര, കാവനാട്, കൊല്ലം, വഴി ചിന്നക്കടയില്‍ ജാഥ സമാപിക്കും. സമാപന സമ്മേളനം സംസ്ഥാന വൈസ് പ്രസിഡന്റ് എം.ടി. രമേശ് ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: