കോട്ടയം: കോഴിക്കടയിലെ ഇറച്ചിയില്‍ പുഴുവിനെ കണ്ടെത്തി. കോട്ടയം മെഡിക്കല്‍ കോളജ് റോഡില്‍ കുടയംപടി ജംഗ്ഷന് സമീപത്തുള്ള കോഴിക്കടയില്‍ നിന്നും വാങ്ങിയ ഇറച്ചിയിലാണ് പുഴുവിനെ കണ്ടെത്തിയത്. മെഡിക്കല്‍ കോളജ് ആശു്പത്രിക്ക് സമീപം വാടകവീട്ടില്‍ താമസിക്കുന്ന പത്തനംതിട്ട സ്വദേശികളായ വെട്ടിപ്പുറം കോട്ടുരത്ത് വീട്ടില്‍ ജയേഷിന്റെ ഭാര്യ ജ്യോതിലക്ഷ്മി,വെട്ടിപ്പുറം തോപ്പില്‍ സനൂപിന്റെ ഭാര്യ അഞ്ജു സഹോദരന്‍ സന്ദീപ് എന്നിവരെ കാണാന്‍ വീട്ടില്‍ വന്ന ബന്ധുക്കള്‍ വാങ്ങിയ കോഴിയിറച്ചിലാണ് പുഴുവിനെ കണ്ടെത്തിയത്. പാകം ചെയ്യുവാനായി ഇറച്ചി പാത്രത്തിലിട്ടപ്പോളാണ് പുഴുവിനെ കണ്ടത്. ഉടന്‍ തന്നെ ഇവര്‍ പ്രദേശവാസികളുടെ സഹായത്തോടെ അതിരമ്പുഴയിലെ ഹെല്‍ത്ത് ഇന്‍സ്‌പെക്ടര്‍മാരെ വിവരം ധരിപ്പിച്ചു. ഇറച്ചി പരിശോധിച്ച ശേഷം പരാതിയുടെ അടിസ്ഥാനത്തില്‍ അയ്മനം പഞ്ചായത്ത് സെക്രട്ടറി ജയകുമാറിന്റെ സാന്നിദ്ധ്യത്തില്‍ അതിരമ്പുഴയിലെ ഹെല്‍ത്ത് ഇന്‍സ്‌പെക്ടര്‍മാരെത്തി കടയടപ്പിച്ചു.
Sunday, November 17, 2024
കോഴിക്കടയിലെ ഇറച്ചിയില്‍ പുഴുവിനെ കണ്ടെത്തി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: