ആലപ്പുഴ: ‘നാടിന്റെ വികസനത്തിനൊപ്പം ഞങ്ങളും’ എന്ന ആലപ്പുഴക്കാരുടെ മനോവികാരം വിളിച്ചോതുന്നതായി ആലപ്പുഴ ബൈപ്പാസിന്റെ നിര്‍മ്മാണോദ്ഘാടനത്തോടനുബന്ധിച്ച് വ്യാഴാഴ്ച സംഘടിപ്പിച്ച കൂട്ടയോട്ടം. ചെറിയ ചാറ്റല്‍ മഴയിലും ആവേശത്തിന്റെ അണമുറിയാതെ കായികതാരങ്ങളും പൗരപ്രമുഖരും വിളംബര കൂട്ടയോട്ടത്തില്‍ പങ്കാളികളായി.
ശക്തി ഓഡിറ്റോറിയത്തില്‍ നിന്ന് ആരംഭിച്ച കൂട്ടയോട്ടം കെ.സി. വേണുഗോപാല്‍ എംപി ഫ്‌ളാഗ് ഓഫ് ചെയ്തു. ജില്ലാ പോലീസ് മേധാവി കെ.കെ. ബാലചന്ദ്രന്‍, എഡിഎം: ടി.ആര്‍. ആസാദ്, ഡെപ്യൂട്ടി കളക്ടര്‍ കെ.ആര്‍. ചിത്രാധരന്‍, അര്‍ജുന അവാര്‍ഡ് ജേതാവ് പി.ജെ. ജോസഫ്, തഹസില്‍ദാര്‍ എസ്. സന്തോഷ്‌കുമാര്‍, സ്‌പോര്‍ട്‌സ് കൗണ്‍സില്‍ സെക്രട്ടറി ജി. സുധീഷ്, ഡിടിപിസി സെക്രട്ടറി സി. പ്രദീപ് തുടങ്ങിയവര്‍ പങ്കെടുത്തു. എസ്എന്‍ഡിപി യൂത്ത്മൂവ്‌മെന്റ്, വൈഎംസിഎ, തൈക്കോണ്ടോ അസോസിയേഷന്‍, സ്‌പോര്‍ട്ട്‌സ് കൗണ്‍സില്‍ ഭാരവാഹികള്‍, വിവിധരാഷ്‌ട്രീയ-സാമുദായിക പാര്‍ട്ടി പ്രതിനിധികള്‍ തുടങ്ങിയവര്‍ അണിചേര്‍ന്നു.
പ്രതികരിക്കാൻ ഇവിടെ എഴുതുക: