മോഷ്ടാക്കള്‍ നശിപ്പിച്ച സ്റ്റുഡിയോയിലെ കമ്പ്യൂട്ടര്‍
മണ്ണഞ്ചേരി: കലവൂര്‍ ജങ്ഷനിലെ സ്റ്റുഡിയോയിലും സമീപത്തെ കടകളിലും കവര്‍ച്ച. പ്രീത നിവാസില്‍ പ്രദീപിന്റെ ഉടമസ്ഥതയിലുള്ള മഹാരാജാ സ്റ്റുഡിയോയില്‍ നിന്നും പ്രിന്ററും, 2000 രൂപയും മോഷ്ടിച്ചു. സിപിഎം കലവൂര്‍ ലോക്കല്‍ കമ്മറ്റി ഓഫീസിലെ അലമാര തുറന്ന് രേഖകള്‍ വലിച്ചെറിയുകയും ചെയ്തു. ഓടിളക്കിയാണ് മോഷ്ടാക്കള്‍ അകത്ത് കടന്നത്. രാജേഷിന്റെ തയ്യല്‍കട, രാജായുടെ മൊബൈല്‍ ഫോണ്‍ റീച്ചാര്‍ജ് കട എന്നിവിടങ്ങളിലും കവര്‍ച്ച ശ്രമമുണ്ടായി. മൊബൈല്‍ ഫോണ്‍ കടയുടെ ഭിത്തി തുരന്നാണ് മോഷണത്തിന് ശ്രമിച്ചത് മണ്ണഞ്ചേരി പോലീസ് കേസെടുത്തു.
പ്രതികരിക്കാൻ ഇവിടെ എഴുതുക: