മുഹമ്മ: ഡ്യൂട്ടിയിലുണ്ടായിരുന്ന വനിതാ പോലീസിനെ തള്ളിയിട്ട ശേഷം സ്‌റ്റേഷനില്‍ നിന്നും രക്ഷപെട്ട വധശ്രമക്കേസിലെ പ്രതിയെ മാരാരിക്കുളം സിഐയുടെ പ്രത്യേക സ്‌ക്വാഡ് പിടികൂടി. കഞ്ഞിക്കുഴി പഞ്ചായത്ത് അഞ്ചാം വാര്‍ഡ് കോലോത്ത് വെളി അരുണ്‍കുമാറാ (21)ണ് അറസ്റ്റിലായത്. പാലായിലുള്ള സുഹൃത്ത് ജോയ്‌സിയുടെ വീട്ടില്‍ ഒളിവില്‍ കഴിഞ്ഞ ഇയാളെ മാര്‍ച്ച് എട്ടിന് എഎസ്‌ഐ: ഹെന്‍ട്രി, സിപിഒ: മനോജ് കൃഷ്ണന്‍ എന്നിവര്‍ ചേര്‍ന്നാണ് പിടികൂടിയത്.
പാലാ സിഐയുടെ സഹായത്തോടെയാണ് പ്രതിയെ പോലീസ് കസ്റ്റഡിയിലെടുത്തത്. ചെറുവാരണം സര്‍വീസ് സഹകരണ ബാങ്ക് ജീവനക്കാരന്‍ ബി.ആര്‍. സജീവിനെ കാറിടിപ്പിച്ച് കൊലപ്പെടുത്താന്‍ ശ്രമിച്ച ക്വട്ടേഷന്‍ സംഘത്തിലെ അംഗമായ അരുണ്‍കുമാര്‍ കഴിഞ്ഞ വ്യാഴാഴ്ച പുലര്‍ച്ചെയാണ് മുഹമ്മ സ്‌റ്റേഷനില്‍ നിന്നും രക്ഷപെട്ടത്. സെല്ലില്‍ കഴിഞ്ഞ അരുണ്‍കുമാര്‍ ഡ്യൂട്ടിയിലുണ്ടായിരുന്ന വനിതാ പോലീസിനോട് കുടിവെള്ളം ആവശ്യപ്പെട്ടശേഷം തള്ളിയിട്ട് രക്ഷപെടുകയായിരുന്നു.
പ്രതികരിക്കാൻ ഇവിടെ എഴുതുക: