കൊച്ചി: ബില്‍ഡേഴ്‌സ് അസോസിയേഷന്‍ ഓഫ് ഇന്ത്യയുടെ വൈസ് പ്രസിഡന്റായി ബാവാസണ്‍സ് കണ്‍സ്ട്രക്ഷന്‍സ് (പ്രൈ) ലിമിറ്റഡ് എക്‌സിക്യൂട്ടീവ് ഡയറക്റ്റര്‍ വി.എം. ഫസല്‍ അലിയെ മുംബൈയില്‍ ചേര്‍ന്ന അസോസിയേഷന്‍ വാര്‍ഷിക ജനറല്‍ ബോഡി യോഗം തെരഞ്ഞെടുത്തു.
ബില്‍ഡേഴ്‌സ് അസോസിയേഷന്റെ സംസ്ഥാന ചെയര്‍മാനായി നേരത്തെ പ്രവര്‍ത്തിച്ചിട്ടുള്ള ഫസല്‍ കോഴിക്കോട് റീജിയണല്‍ എഞ്ചിനീയറിങ് കോളേജ്) നിന്നുള്ള എഞ്ചിനീയറിങ് ബിരുദധാരിയാണ്. എന്‍ഐറ്റി-കോഴിക്കോട് അലുമ്‌നി അസോസിയേഷന്‍ കൊച്ചി ചാപ്റ്ററിന്റെ പ്രസിഡന്റായി സേവനമനുഷ്ഠിക്കവെയാണ് ഏറ്റവും മികച്ച എഞ്ചിനീയറിങ് കോളേജ് അദ്ധ്യാപകനുള്ള ഒരു ലക്ഷം രൂപയുടെ പ്രൊഫ. കെ.എം. സഹാറുദ്ദീന്‍ അവാര്‍ഡും എന്‍ഐറ്റി കോഴിക്കോട് നിന്ന് ബിരുദ പഠനം പൂര്‍ത്തിയാക്കുന്ന ഏറ്റവും മികച്ച വിദ്യാര്‍ഥിക്കുള്ള പ്രൊഫ. പി.എം. ജുസ്സെ അവാര്‍ഡും ഏര്‍പ്പെടുത്തിയത്.
നിര്‍ധനരായ എഞ്ചിനീയറിങ് കോളേജ് വിദ്യാര്‍ഥികള്‍ക്ക് സ്‌കോളര്‍ഷിപ്പും ഏര്‍പ്പെടുത്തുകയുണ്ടായി.
പ്രതികരിക്കാൻ ഇവിടെ എഴുതുക: