വീടുകേന്ദ്രീകരിച്ച് അനാശാസ്യം; മൂന്നുപേര്‍ പിടിയില്‍

മാരാരിക്കുളം: വീടുകേന്ദ്രീകരിച്ച് അനാശാസ്യം നടത്തിയ രണ്ടു സ്ത്രീകളെയും യുവാവിനെയും മാരാരിക്കുളം സിഐയുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തു. നടത്തിപ്പുകാരി കഞ്ഞിക്കുഴി പഞ്ചായത്ത് ഏഴാം വാര്‍ഡ് ഷെല്‍ബി ഭവനില്‍ ഷൈലജ (43), മാരാരിക്കുളം വളവനാട് ദേവസ്വം വെളിയില്‍ നജീബ് (35), ചേര്‍ത്തല നഗരസഭ 28-ാം വാര്‍ഡ് പള്ളിക്കശേരി വീട്ടില്‍ മിനി (30) എന്നിവരെയാണ് സിഐ: കെ.ജി. അനീഷിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. മായിത്തറ ഭാഗത്ത് വീടുകേന്ദ്രീകരിച്ച് അനാശാസ്യ പ്രവര്‍ത്തനം നടക്കുന്നതായി രഹസ്യ വിവരം ലഭിച്ചതിന്റെ അടിസ്ഥാനത്തില്‍ ജില്ലാ പോലീസ് മേധാവിയുടെ നിര്‍ദേശ പ്രകാരമാണ് ശനിയാഴ്ച ഉച്ചയ്‌ക്ക് രണ്ടോടെ വീട് റെയ്ഡ് ചെയ്തത്.