പെരുമ്പളം: പനമ്പുകാട്ട് ദേവീ ക്ഷേത്രത്തിലെ ഉത്സവത്തിനിടെ യാദൃശ്ചികമായുണ്ടായ സംഘര്‍ഷത്തിന്റെ മറവില്‍ സാമുദായിക വര്‍ഗീയ ചേരിതിരിവിന് സിപിഎം ആസൂത്രിത ശ്രമം നടത്തുകയാണെന്ന് ആര്‍എസ്എസ് പാണാവള്ളി താലൂക്ക് കാര്യകാരി പ്രസ്താവിച്ചു. പോലീസ് നിഷ്പക്ഷമായി അന്വേഷണം നടത്തി യഥാര്‍ത്ഥ പ്രതികളെ അറസ്റ്റ് ചെയ്യാന്‍ തയാറാകണം.
പെരുമ്പളത്തെ സിപിഎം ശക്തി കേന്ദ്രങ്ങളില്‍ നിന്നു പോലും നൂറുകണക്കിന് ആളുകള്‍ ആര്‍എസ്എസ് ശാഖാ പ്രവര്‍ത്തനങ്ങളില്‍ ചേര്‍ന്ന് പ്രവര്‍ത്തിക്കുന്നതാണ് സിപിഎമ്മുകാരെ പ്രകോപിപ്പിക്കുന്നത്. പനമ്പുകാട് ക്ഷേത്ര ഭരണസമിതിയെ മറയാക്കി സിപിഎം രാഷ്‌ട്രീയ പകപോക്കലിന് ശ്രമിക്കുകയാണ്. ഇത് തിരിച്ചറിയാന്‍ ഭക്തരും പൊതുജനങ്ങളും തയാറാകണമെന്നും പ്രദേശത്തെ സാമുദായിക മതസൗഹാര്‍ദം തകര്‍ക്കാന്‍ അനുവദിക്കരുതെന്നും താലൂക്ക് കാര്യകാരി അഭ്യര്‍ത്ഥിച്ചു.
പ്രതികരിക്കാൻ ഇവിടെ എഴുതുക: