കാടാതുരത്ത് ക്ഷേത്രത്തില്‍ ഉത്സവത്തിന് കൊടിയേറി

തുറവൂര്‍: വളമംഗലം കാടാതുരത്ത് ശ്രീ മഹാദേവീ ക്ഷേത്രത്തില്‍ ഉത്സവത്തിന് കൊടിയേറി. ക്ഷേത്രം തന്ത്രി സി.എം. മുരളീധരന്‍, മേല്‍ശാന്തി ഷിബു എന്നിവരുടെ മുഖ്യകാര്‍മികത്വത്തിലായിരുന്നു കൊടിയേറ്റ്. തുടര്‍ന്നുള്ള ദിവസങ്ങളില്‍ തൊലപ്പൊലിവരവുണ്ടായിരുന്നു. പറയ്‌ക്കെഴുന്നള്ളിപ്പ്, ഓട്ടന്‍ തുള്ളല്‍, സംഗീത ഭജന, സിനിമാറ്റിക് ഡാന്‍സ്, വിളക്ക്, നാട്ടുതാലപ്പൊലി, കാവടിയാട്ടം, നൃത്തസന്ധ്യ, ഉത്സവ ബലി, നാടന്‍ കലാമേള എന്നിവയുണ്ടാകും. പള്ളിവേട്ട മഹോത്സവ ദിവസമായ മാര്‍ച്ച് 27ന് രാവിലെ 9.30ന് ശ്രീബലി, രാത്രി 9.30ന് വെടിക്കെട്ട്, തുടര്‍ന്ന് പള്ളിവേട്ട, രാത്രി 10.30ന് അജയന്‍ മാടയ്‌ക്കല്‍ അവതരിപ്പിക്കുന്ന കോമഡി മെഗാഷോ. 28ന് രാവിലെ 10ന് തളിച്ചുകൊട, 10.30ന് ആറാട്ട്.