കൊച്ചി: ഈ മാസത്തെ റിലീസ് ചിത്രങ്ങളില്‍ ഏറ്റവും ആകാംക്ഷയോടെ കാത്തിരുന്ന ‘ഒരു വടക്കന്‍ സെല്‍ഫി’യുടെ ഗാനങ്ങള്‍ പുറത്തിറങ്ങി. സിനിമയുടെ ഒഫീഷ്യല്‍ ഓഡിയോ ലേബലായ Muzik 247ന്റെ യു ട്യൂബ് ചാനലില്‍ കൂടെ ഗാനങ്ങള്‍ കേള്‍ക്കാം.
യുവ സംഗീത സംവിധായകന്‍ ഷാന്‍ രഹമാന്‍ ആണ് ആറ് ഗാനങ്ങളും ചിട്ടപ്പെടുത്തിയിട്ടുള്ളത്. ഉടനീളം യുവത്വം നിറഞ്ഞു തുളുമ്പുന്ന ഗാനങ്ങള്‍ ചിത്രത്തെ കുറിച്ച് നിറഞ്ഞ പ്രതീക്ഷയാണ് യുവസിനിമാ പ്രേമികള്‍ക്ക് നല്‍കുന്നത്. വൈക്കം വിജയലക്ഷ്മി, അരുണ്‍ അലട്ട്, കാവ്യ അജിത്, വിനീത് ശ്രീനിവാസന്‍, ഷാന്‍ രഹമാന്‍, ഹരീഷ് ശിവരാമകൃഷ്ണന്‍, ആര്യ മോഹന്‍ ദാസ് എന്നിവരാണ് ഗാനങ്ങള്‍ ആലപിച്ചിട്ടുള്ളത്.
ധോലിന്റെ താളത്തിന് ചുവടു പിടിച്ചുള്ള ഒരു സ്ലോ ടെംപോ ഗാനമാണ് വൈക്കം വിജയലക്ഷ്മി പാടിയിരിക്കുന്നത്. അധ്വാനിക്കാതെ കാശുണ്ടാക്കാന്‍ നടക്കുന്ന ചെറുപ്പക്കാരനെ കുറിച്ച് ഒരു മുതിര്‍ന്ന സ്ത്രീ കഥ പറയുന്ന രീതിയില്‍ നാടന്‍ ശൈലിയിലാണ് ചിട്ടപ്പെടുത്തിയിരിക്കുന്നത്. എന്നെ തല്ലേണ്ടമ്മാവ എന്ന് തുടങ്ങുന്ന ഗാനമാണ് വിനീത് ശ്രീനിവാസനും ഷാന്‍ റഹമാനും ചേര്‍ന്ന് പാടിയിരിക്കുന്നത്. യുവജനങ്ങള്‍ രണ്ടു കയ്യും നീട്ടി സ്വീകരിച്ച ഈ ഗാനം നാല് ലക്ഷത്തിലധികം പേരാണ് യൂട്യൂബിലൂടെ കണ്ടത്.
പ്രതികരിക്കാൻ ഇവിടെ എഴുതുക: