ആലപ്പുഴ: ഭാരതീയ ജനതാ പട്ടികജാതി മോര്‍ച്ചയുടെ ആഭിമുഖ്യത്തില്‍ അഖിലേന്ത്യാ സെക്രട്ടറി അഡ്വ. എല്‍. മുരുകന്‍ മാര്‍ച്ച് 21ന് തകഴി കസ്തൂര്‍ബ കോളനിയിലും പട്ടികജാതി സെറ്റില്‍മെന്റ് കോളനിയിലും കുടുംബസംഗമത്തിലും മെമ്പര്‍ഷിപ് ക്യാമ്പയിന്‍ ഉദ്ഘാടനത്തിലും പങ്കെടുക്കുമെന്ന് സംസ്ഥാന ജനറല്‍ സെക്രട്ടറി സി.എ. പുരുഷോത്തമന്‍ അറിയിച്ചു. മോര്‍ച്ച ജില്ലാ പ്രവര്‍ത്തക യോഗം ഉദ്ഘാടനം ചെയ്യുകയായിരുന്നു അദ്ദേഹം.
നരേന്ദ്രമോദി സര്‍ക്കാരിന്റെ പുതിയ ബജറ്റില്‍ കോടിക്കണക്കിന് വരുന്ന പട്ടികജാതി പട്ടികവര്‍ഗ വിഭാഗത്തിന് അനുവദിച്ച മുദ്രാബാങ്ക് പദ്ധതി പ്രവര്‍ത്തക യോഗം സ്വാഗതം ചെയ്തു. ബിജെപി ജില്ലാ ജനറല്‍ സെക്രട്ടറി കെ. സോമന്‍ മുഖ്യപ്രഭാഷണം നടത്തി. സിഎസ് മോര്‍ച്ച ജില്ലാ പ്രസിഡന്റ് കെ.ബി. ഷാജി അദ്ധ്യക്ഷത വഹിച്ചു. ബിജെപി ജില്ലാ വൈസ് പ്രസിഡന്റ് സുഗന്ധി രാജ്, മോര്‍ച്ച ജില്ലാ ജനറല്‍ സെക്രട്ടറിമാരായ കൊച്ചുമുറി രമേശ്, രാജുക്കുട്ടി, രമേശ് അമ്പലപ്പുഴ, എസ്. ബിജി തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: