അമ്പലപ്പുഴ: നിയന്ത്രണം വിട്ട ഇന്‍സുലേറ്റ് വാന്‍ ഓട്ടോ സ്റ്റാന്‍ഡിലേക്ക് പാഞ്ഞുകയറി സൈക്കിള്‍ യാത്രക്കാരനുള്‍പ്പെടെ മൂന്നുപേര്‍ക്ക് പരിക്ക്. ഇവരെ ആശുപത്രിയില്‍ പ്രവേശിപ്പിച്ചു. നാല് ഓട്ടോറിക്ഷകള്‍ തകര്‍ന്നു. സൈക്കിള്‍ യാത്രക്കാരനായ തോട്ടപ്പള്ളി ഉമപുത്തന്‍പറമ്പില്‍ ചന്ദ്രന്‍ (64), ഓട്ടോറിക്ഷാ ഡ്രൈവര്‍മാരായ തോട്ടപള്ളി പുതുവല്‍വീട്ടില്‍ രഞ്ജിത്ത് (23), മുരുകാലയത്തില്‍ മുരുകന്‍ (24) എന്നിവരെയാണ് വണ്ടാനം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്. മാര്‍ച്ച് അഞ്ചിന് രാവിലെ ഒമ്പതരയോടെ ദേശീയ പാതയില്‍ തോട്ടപ്പള്ളി-ഹാര്‍ബര്‍ റോഡിന് സമീപമായിരുന്നു അപകടം. ഹരിപ്പാടു ഭാഗത്തു നിന്നും ആലപ്പുഴ ഭാഗത്തേക്ക് വരികയായിരുന്ന ഇന്‍സുലേറ്റ് വാന്‍ നിയന്ത്രണം വിട്ട് ഓട്ടോസ്റ്റാന്‍ഡിലേക്ക് പാഞ്ഞുകയറുകയായിരുന്നു. മഠത്തില്‍, ശ്രീമുരുകന്‍, ആമ്പാടി, പഴനിയാണ്ടവന്‍ എന്നീ ഓട്ടോകളാണ് തകര്‍ന്നത്. അമ്പലപ്പുഴ പോലീസ് മേല്‍നടപടികള്‍ സ്വീകരിച്ചു.
Friday, November 15, 2024
നിയന്ത്രണം വിട്ട വാന്‍ പാഞ്ഞുകയറി മൂന്നുപേര്‍ക്ക് പരിക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: