അനധികൃതമായി സൂക്ഷിച്ച മണ്ണെണ്ണയും പഴകിയ കോഴിയിറച്ചിയും പിടികൂടി

മുഹമ്മ: അനധികൃതമായി കടയില്‍ സൂക്ഷിച്ചിരുന്ന 20 ലിറ്റര്‍ റേഷന്‍ മണ്ണെണ്ണയും പഴകിയ കോഴിയിറച്ചിയും പിടികൂടി. മണ്ണഞ്ചേരി 19-ാം വാര്‍ഡ് ബ്ലാവത്ത് പരീതി (58)ന്റെ പലചരക്കു കടയില്‍ നിന്നാണ് മണ്ണെണ്ണ പിടികൂടിയത്. പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു നടപടി. പരീതിന്റെ തന്നെ സമീപത്തെ കടയില്‍ നിന്ന് 20 കിലോയോളം കോഴിയിറച്ചിയും പിടികൂടി നശിപ്പിച്ചു. സിഐ: കെ.ജി. അനീഷ്, എസ്‌ഐ: കെ.കെ. ഉത്തമന്‍ എന്നിവരുടെ നേതൃത്വത്തിലായിരുന്നു റെയ്ഡ്. ഹെല്‍ത്ത് ഇന്‍സ്‌പെക്ടര്‍ അനില്‍കുമാറിന്റെ നേതൃത്വത്തിലാണ് പഴകിയ ഇറച്ചി പിടികൂടിയത്.