കോട്ടയം: കള്ളുകുടിച്ച് ആനപ്പുറത് കയറിയ എമ്പ്രാന്തിരിയെപ്പോലെയെന്ന സിപിഎം നേതാവ് വി.എന്‍. വാസവന്റെ ഉപമ പിന്‍വലിച്ച് എമ്പ്രാന്തിരി സമൂഹത്തോട് മാപ്പുപറയണമെന്ന് ഹിന്ദു ഐക്യവേദി സംസ്ഥാന ജനറല്‍ സെക്രട്ടറി ഇ.എസ്. ബിജു ആവശ്യപ്പെട്ടു. അമ്പലവാസി സമൂഹത്തെ അടച്ചാക്ഷേപിക്കുന്ന പ്രസ്താവനയാണ് സിപിഎം സമ്മേളനത്തില്‍ വി.എന്‍. വാസവന്‍ നടത്തിയത്. എമ്പ്രാന്തിരി സമൂഹത്തോടുള്ള സിപിഎം നേതാവിന്റെ അവഹേളനം സമൂഹത്തിന്റെ മാന്യതയെ ചോദ്യം ചെയ്യുന്നതാണ്. പാര്‍ട്ടിഗ്രൂപ്പിന്റെ പേരിലുള്ള മത്സരങ്ങളില്‍ പോലും ഭൂരിപക്ഷ ഹിന്ദു സമൂഹത്തെ അവഹേളിക്കാനും അപമാനിക്കാനും നടത്തുന്ന ശ്രമങ്ങള്‍ സിപിഎം നേതൃത്വത്തിന്റെ ഹിന്ദുവിരുദ്ധ മനോഭാവമാണ് തെളിയിക്കുന്നത്. ഹിന്ദുക്കള്‍ ബഹുഭൂരിപക്ഷം പിന്തുണച്ച സിപിഎം ഇന്ന് ഹിന്ദുസമൂഹം പരിത്യജിച്ച പാര്‍ട്ടിയായി മാറിക്കഴിഞ്ഞു. ഇതില്‍ വിറളിപൂണ്ട നേതാവിന്റെ അപക്വമായ പ്രസ്താവനയാണ് വി.എന്‍. വാസവനിലൂടെ പുറത്തുവന്നതെന്ന് ഇ.എസ്. ബിജു പറഞ്ഞു.
Friday, November 15, 2024
എമ്പാന്തിരി സമൂഹത്തോട് സിപിഎം മാപ്പുപറയണം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: