ആലുവ: പ്രാദേശികമായി ഫുട്‌ബോള്‍ കളിക്കുന്ന ചെറുകൂട്ടങ്ങളിലേയ്‌ക്ക് കഞ്ചാവ് വന്‍തോതിലെത്തുന്നു. ഫുട്‌ബോളും ക്രിക്കറ്റും കളിക്കുമ്പോള്‍ ക്ഷീണം തോന്നാതിരിക്കുന്നതിന് കഞ്ചാവ് ഉപയോഗിക്കുന്നത് സഹായകമാകുമെന്ന വ്യാജപ്രചാരണം നടത്തിയാണ് കുട്ടികള്‍ക്കിടയില്‍ കഞ്ചാവ് വിതരണം ചെയ്യുന്നത്. പെരുമ്പാവൂരിലുള്ള ഒരാളാണ് ഇത്തരത്തില്‍ കുട്ടികളിലേക്ക് കഞ്ചാവ് എത്തിക്കുന്നതെന്ന് കണ്ടെത്തിയിട്ടുണ്ട്.
ആലുവ ശിവരാത്രി മണപ്പുറം, എന്‍എഡി, കോമ്പാറ മേഖലയിലേക്കാണ് ഇത്തരത്തില്‍ കുട്ടികള്‍ക്കിടയിലേക്ക് വ്യാപകമായി കഞ്ചാവ് എത്തിക്കുന്നത്. കഴിഞ്ഞദിവസം നടന്ന പരിശോധനയില്‍ ഇത്തരത്തില്‍ കഞ്ചാവ് ഉപയോഗിക്കുന്ന മൂന്നുപേരെ കഴിഞ്ഞദിവസം ആലുവ പോലീസ് പിടികൂടിയിരുന്നു. പിടിയിലാകുന്ന വിദ്യാര്‍ത്ഥികളെ ഉപയോഗപ്പെടുത്തി ഇവര്‍ക്ക് കഞ്ചാവ് നല്‍കുന്ന പ്രധാന റാക്കറ്റുകളെ കസ്റ്റഡിയിലെടുക്കുവാനാണ് തീരുമാനം.
പ്രതികരിക്കാൻ ഇവിടെ എഴുതുക: